"მილიონდოლარიანი გოგონა" 48 წლის ასაკში გახდა დედა - ჰილარი სვონკს ტყუპი შეეძინა მამაკაცისგან, რომელიც "ბრმა პაემანზე" გაიცნო - მშობლები

48 წლის მსახიობის ცხოვრებაში მართლაც უდიდესი სიახლეა. ორგზის ოსკაროსანი ჰილარი, რომელსაც კარიერაში ფაქტობრივად, ყველაფრისთვის აქვს მიღწეული - საოცარი როლებიდან სანუკვარ ჯილდოებამდე, ახლა ბედნიერი დედაცაა.

მსახიობი ორსულობას არც მალავდა და ბოლო პერიოდში არა მხოლოდ სოციალურ ქსელში ჩნდებოდა მუცლით, არამედ საჯარო ღონისძიებებსაც ესწრებოდა, ბიზნესმენ მეუღლესთან ერთად.

ჰილარის ტყუპი ქალ-ვაჟი გაუჩნდა და პირველი ფოტოც გამოაქვეყნა სოციალურ ქსელში - მზის ჩასვლის ფონზე, პაწაწინა ბავშვებით ხელში.

ბედნიერმა სუონკმა ფოტოს შემდეგი წარწერა გაუკეთა: "ეს არ იყო მარტივი... მაგრამ ჩემი ბიჭი და გოგონა ნამდვილად ღირდა ამად..."

ჰილარისთვის ეს მეორე ქორწინებაა. მსახიობ ჩად ლოუს 2007 წელს გაშორდა, მერე კი მეგობარმა მოუწყო "ბრმა შეხვედრა" ბიზნესმენ ფილიპ შნეიდერთან. წყვილმა მალევე იქორწინა და აი, უკვე მშობლებიც გახდნენ.