რა უნდა გახსოვდეთ, სანამ ფანჯრებს გამოაღებთ: "ღია ფანჯრების სეზონზე მშობლებმა ეს წესები უნდა დაიცვან" - მშობლები
რა უნდა გახსოვდეთ, სანამ ფანჯრებს გამოაღებთ: "ღია ფანჯრების სეზონზე მშობლებმა ეს წესები უნდა დაიცვან"
გაზაფხულსა და ზაფხულში, როგორ წესი, ფანჯრები მუდამ ღია გვაქვს. ბავშვიან ოჯახებს ამ დროს განსაკუთრებული სიფრთხილე მართებთ. გთავაზობთ რამდენიმე რჩევას, რომელიც უსაფრთხოებაზე ზრუნვას გაგიადვილებთ.
- ნებისმიერი ავეჯი, რომელზედაც ცნობისმოყვარე ბავშვს თეორიულად მაინც შეუძლია აცოცდეს ფანჯრიდან გასახედად, მოაშორეთ ფანჯრებს. ეს ხშირ-ხშირად შეამოწმეთ და დარწმუნდით, რომ რომელიმე ოჯახის წევრმა სკამი, სავარძელი ან პუფი ფანჯარასთან არ დატოვა.
- თუ თანამედროვე პლასტმასის ორმაგი მინის ფანჯრები გაქვთ, ისარგებლეთ მექანიზმით და ის ძირითადად, ე.წ. გადმოკიდებულ მდგომარეობაში დატოვეთ.
- დააინსტალირეთ უსაფრთხოების სისტემები ფანჯრებზე, ახლა უკვე ბევრი ასეთი საშუალებაა საკეტები, ბლოკატორები, საბავშვო გისოსები, სპეციალური სახელურები, რომლებიც ფანჯრებზე მარტივად მონტაჟდება
- ნუ გექნებათ ფანჯრებზე დამაგრებული მწერების საწინააღმდეგო ბადის იმედი - ეს ბადეები არ არის შექმნილი სიმძიმის შესაკავებლად. პირიქით, ბავშვს ცრუ უსაფრთხოების განცდას აძლევენ, სინამდვილეში კი კატის წონასაც ვერ გაუძლებენ, რომ აღარაფერი ვთქვათ ბავშვისაზე.
- ნურასოდეს იფიქრებთ, რომ "ბავშვი ამდენს ვერ მოიფიქრებს" - პატარებს წარმოუდგენლად სწრაფად შეუძლიათ სასურველ ადგილამდე მიწვდომა, თუკი ირგვლივ საამისო საშუალებას იპოვიან.
- ფანჯრების ირგვლივ და აივანზე გასასვლელებთან „მიუწვდომელი ზონები“ შექმენით – შეგიძლიათ იატაკზე წებოვანი ლენტი გააკრათ, რომლის მიღმა გადასვლაც ბავშვს აკრძალული ექნება.
- აუხსენით ბავშვებს, რატომ არის საშიში ფანჯრის რაფაზე ასვლა და ფანჯრიდან გადახედვა.
- და რაც მთავარია - არ დატოვოთ ბავშვები უყურადღებოდ.
