ვაშლის შტრუდელი - ნაკლებკალორიული, მარტივი და გემრიელი - მშობლები

საუკეთესო საშუალებაა მათთვის, ვინც დიეტაზეა

ვაშლის შტრუდელი ავსტრიული კერძია. მისი მთავარი ღირსება ისაა, რომ ნაკლებკალორიულია და მათთვისაც მისაღებია, ვინც დიეტას ხშირად იცავს. მისი მომზადება ადვილია, მთავარია ინსტრუქცია სწორად შეასრულოთ.

ინგრედიენტები:

2 თხელი ფენა ფენოვანი ცომი

2-3 დიდი ვაშლი (მომჟაო)

1/2 ჩ.კ. დარიჩინი

2 ს.კ ფქვილი

1/2 ჩ.ჭ. გატარებული ნიგოზი.

5 ს.კ. შაქარი

2 ს.კ. დაფქული ორცხობილა

1 კვერცხი+1 ჩ.კ. წყალი

მომზადება:

გააცხელეთ ღუმელი 190 გრადუსზე

გაასუფთავეთ ვაშლები, ამოაცალეთ გულები და დაჭერით კუბებად. მოათავსეთ ჯამში და მოაყარეთ 3 კოვზი შაქარი, დარიჩინი, ფქვილი. გააჩერეთ 20 წუთით, რომ ვაშლმა წვენი გამოუშვას.

ცალკე ჭურჭელში აურიეთ ნიგოზი, დაფქული ორცხობილა და 2 კოვზი შაქარი. გააბრტყელეთ ცომი, მოაყარეთ ნიგვზის ნარევი და დააწყვეთ ვაშლი. რულეტივით გადაახვიეთ, გვერდები ამოუკეცეთ. იგივენაირად მოამზადეთ მეორე ცომის ფენაც.

რულეტებს თავზე წყალგარეული კვერცხის გული მოუსვით, დასერეთ და შედგით ღუმელში 40-45 წუთით.