"ჩემს ირგვლივ არსებულ დედებს შორის ყველაზე ხისტი, მკაცრი და ზედმეტად ობიექტურია… ყოველთვის ინტერესიანი იყო და ჩემი ცხოვრებაც აავსო საინტერესო თავგადასავლებით" - ქრისტინე იმედაძის მილოცვა დედას და ფოტოები ოჯახური არქივიდან - მშობლები
"ჩემს ირგვლივ არსებულ დედებს შორის ყველაზე ხისტი, მკაცრი და ზედმეტად ობიექტურია… ყოველთვის ინტერესიანი იყო და ჩემი ცხოვრებაც აავსო საინტერესო თავგადასავლებით" - ქრისტინე იმედაძის მილოცვა დედას და ფოტოები ოჯახური არქივიდან
მომღერალი ქრისტინე იმედაძე ემოციურად ულოცავს დაბადების დღეს დედას - იუველირ ირმა გოგლიძეს და აქვეყნებს ფოტოებს საოჯახო არქივიდან.
"ჩემს ირგვლივ არსებულ დედებს შორის ჩემი დედა ყველაზე ხისტი, მკაცრი და ზედმეტად ობიექტურია… აქვე უანგარო სიყვარულის დიდი უნარი აქვს ჩემს და სხვა ადამიანების მიმართ… ალბათ იმ ძალიან ცოტათაგანია, ვინც ასე ახლოს არის იმ უპირობო სიყვარულთან, რომელზეც ბევრს საუბრობენ და მაინც კითხვის ნიშნის ქვეშ დგას… უმრავლესობის წარმოსახვაში რომ ვერ დაიბადება გამართლება (ხშირად მისთვის უცხო ადამიანსაც) ერთი შეხედვით თითქოს და უპატიებელ საქციელს - ისეთი ხედვის რაკურსს შეურჩევს და გაამართლებს, რომ მინიმუმ დაგაფიქრებს, ეს ხედვა დაუშვა და არსებობის უფლება მიანიჭო… ოღონდ ეს ეხება ყველას ჩემს გარდა.
ჩემთან სხვა აღზრდის მეთოდებია. მე სულ კურსზე მტოვებს… ვერ ვეღირსე დიპლომს. საიმედო, სრულიად უსაფრთხო და ძალიან ნამდვილი მეგობარია ადამიანებისთვის… კარგი იუმორი აქვს,ზოგჯერ მწარეა მისი გამოხატვის ენა. მაგრამ თვითონ ძალიან კეთილია სინამდვილეში…საკმაოდ იშვიათი დიზაინის სიცოცხლის ფორმაა ეს ჩემი დედა…
ყოველთვის ინტერესიანი იყო და ჩემი ცხოვრებაც აავსო საინტერესო თავგადასავლებითა თუ ცოდნით… სიცოცხლის, ჯანმრთელობის და ახალგაზრდობის გახანგძლივების ბევრნაირ მეთოდს ფლობდა ჯერ კიდევ მაშინ, როცა ინტერნეტი არ არსებობდა… დიდი ენერგია ჩადო ჩემი ეკოლოგიურად აზროვნების, ჯანსაღი ცხოვრების და მუდმივად სამყაროს შეცნობისა და აღმოჩენების - დაუსრულებელ პროცესად ქცევაში…მასწავლა აღფრთოვანების და მადლიერების მუდმივი არსებობა რომ ზემოთ ხსენებულის განუყოფელი ნაწილია… რომ სისტემატიურობაა ყველა წარმატების საწინდარი… რომ ჩემი ადამიანების სიყვარული ზმნაა და სულ უნდა იყოს მოქმედებაში… რომ არ არსებობს ერთჯერადი ქმედება სამუდამო შედეგით…რომ სამყარო და მასში არსებული ყოველი დეტალი - ჩემს მათ მიმართ დამოკიდებულებაზეა დამოკიდებული…
კიდევ ბევრი შემიძლია ვწერო, მაგრამ მილოცვა მინდოდა და სხვაგან გადამეხვია… გილოცავ! ბედნიერებას გისურვებ და მადლობა ყველაფრისთვის".
ქრისტინეს საოჯახო ალბომში ასევე ბევრია ფოტო მამიდასთან - ცნობილ მსახიობ ია ფარულავასთან.
