კადრები ქართველი წყვილის გრანდიოზული ქორწილიდან - მოდელების შოუ, უცხოელი მომღერლები და თამრიკო გვერდწითელი, ბევრი ცეკვა და ცნობილი სტუმრები (ვიდეო+ფოტო) - მშობლები

სექტემბერში ქორწილების ნამდვილი ბუმია, ისე, როგორც შემოდგომას შეეფერება. ამჯერად კიდევ ერთი, საკმაოდ პომპეზური ქორწილის კადრები გავრცელდა.

სიძემთავრობის ადმინისტრაციის უფროსის მოადგილე ილია შამუგიაა, ყოფილი ფეხბურთელი, ბიზნესმენი. პატარძალი კი მართა ხოშტარია. ილიამ რამდენიმე თვის წინ სთხოვა ხელი მართას.

ახლა კი წყვილმა იქორწინა. ქორწილს არ აკლდნენ ცნობილი სტუმრები, წამყვანი მსახიობი კახა მიქიაშვილი იყო, მუსიკალურ გაფორმებაზე კი უცხოელ მომღერლებთან ერთად, თამრიკო გვერდწითელი ზრუნავდა. მასთან ერთად სიძემაც შეასრულა სიმღერა. სიძე-პატარძალმა ქართული ცეკვაც შეასრულა. ასევე ცეკვავდნენ სუხიშვილების ცნობილი მოცეკვავეები და პატარა ანნა სულაბერიძის ცეკვამაც მოხიბლა შეკრებილი საზოგადოება. ცერემონიას ასევე გამოარჩევდა ორიგინალურად შემოსილი მოდელების შოუ.