44 წლის მრავალშვილიანი დედა, რომელიც 25 წელზე მეტია, პოდიუმზე დგას - ადრიანა ლიმას შთამბეჭდავი გამოჩენა - მშობლები
44 წლის მრავალშვილიანი დედა, რომელიც 25 წელზე მეტია, პოდიუმზე დგას - ადრიანა ლიმას შთამბეჭდავი გამოჩენა
Victoria’s Secret 2025-ს რამდენიმე გმირი ჰყავდა. მათ შორის უდაოდ იყო 44 წლის ადრიანა ლიმა. ბრაზილიელმა მოდელმა კიდევ ერთხელ დაამტკიცა, რომ ამ შოუს მართლაც განუმეორებელი ვარსკვლავია, აგერ უკვე 25 წელია.
44 წლის ვარსკვლავი მართლაც განუმეორებელი იყო პოდიუმზე.
ბევრმა გაიხსენა მისი პირველი გამოსვლა ამ სცენაზე, „ანგელოზის" რანგში, 2000 წელს. ადრიანა ხომ თანამედროვეობის ერთ-ერთი ყველაზე წარმატებული მოდელია და არაერთხელ დაუსახელებიათ მსოფლიოს ულამაზეს ქალად, ამიტომ როგორც კი გამოჩნდა სამოდელო ასპარეზზე, ვიქტორიას სიკრეტმაც მალევე შენიშნა და არგო ეს დიდი პატივი.
მას მერე, 2018 წლამდე, ამ გრანდიოზულ წარმოდგენას ადრიანას გარეშე არ ჩაუვლია.
2018 წლიდან ადრიანამ კარიერაში შესვენება აიღო და მთელი დრო ოჯახსა და შვილებს დაუთმო, რამდენიმე ორსულობამ კი მის ფორმებზეც მკვეთრად იმოქმედა. წონაშიც მკვეთრად მოიმატა და ერთ-ერთი ბოლო გამოჩენისას ბოტოქსის გადამეტებაშიც დაადანაშაულეს.
მაშინ ადრიანამ გადაწყვიტა, საჯაროდ გაეცა ყველასთვის პასუხი, ფილტრის გარეშე ფოტოც გამოაქვეყნა და გამოაცხადა, რომ ასე გამოიყურება ქალი, რომელსაც თინეიჯერი შვილები ჰყავს, ბევრი საქმე და სადარდებელი აქვს.
ადრიანა სამი შვილის დედაა. რამდენიმე წელი იყო დაქორწინებული კალათბურთელ მარკ იარიჩზე, რომელთანაც ორი ქალიშვილი ჰყავს. 2021 წლიდან არის პროდიუსერ ანდრე ლემერსის გვერდით, რომელთანაც 2022 წელს გაუჩნდა საერთო შვილი. ასევე ხშირად არის მასთან მეუღლის შვილი პირველი ქორწინებიდან.
როგორც ჩანს, ადრიანაზე მაინც იმოქმედა კრიტიკამ და მოდელმა მაქსიმალური გააკეთა, რომ უწინდელი ფორმები დაებრუნებინა და კვლავ პოდიუმზე დამდგარიყო შთამბეჭდავად. ლეგენდარული მოდის სახლის 2025 წლის გაზაფხული-ზაფხულის კოლექციის ჩვენებაზე, პარიზის მოდის კვირეულზე, ადრიანას გამოჩენა ერთ-ერთ ყველაზე მთავარ მოვლენად იქცა.
მერე კი უკვე საყვარელ შოუშიც გამოჩნდა და ყველას დაუმტკიცა, რომ ნამდვილი პროფესიონალია.
