მეტყველების პრობლემების 4 ნიშანი, როცა ლოდინი მხოლოდ დროის კარგვაა - მშობლები

ბავშვები, სანამ გამართულ საუბარს ისწავლიან, ბგერებს ხშირად ამახინჯებენ. ამის მიზეზი ჩამოუყალიბებელი მეტყველების აპარატია, რომელსაც ისევე სჭირდება წვრთნა და განვითარება, როგორც თავად ბავშვს. სამეტყველო აპარატის სრულყოფაში პატარების დახმარება მშობლებსაც შეუძლიათ. ელაპარაკეთ ბავშვს ხშირად და მკაფიოდ. ასაკის შესაბამისად გამოიყენეთ მოკლე სიტყვები ან წინადადებები. ლოგოპედთან გაქცევას ნუ იჩქარებთ.

სპეციალისტების თქმით, მეტყველების განვითარების სამი ეტაპი არსებობს. 2-დან 4 თვის ასაკში ბავშვი ღუღუნს იწყებს. 7 თვის ასაკისთვის ღუღუნი ინტონირებულ ფორმას იღებს და მარცვლებს ემსგავსება. ეს განვითარების პირველი ეტაპია. მეორე ეტაპი სენსორულია, როდესაც 7 თვის ასაკიდან 1 წლამდე ასაკში ბავშვი უკვე რამდენიმე წინადადებას აღიქვამს და ესმის, რაზე მივუთითებთ. მესამე ეტაპი კი მეტყველების მოტორული განვითარებაა. 1 წლის ბავშვი, დაახლოებით, 10-12 სიტყვას უნდა ფლობდეს. შესაძლოა, გამართულად ვერ ამბობდეს, მაგრამ ვხვდებოდეთ, რას ამბობს. 2 წლისთვის მას უკვე 30-40 სიტყვის მარაგი უნდა გააჩნდეს და 2-3-სიტყვიან წინადადებასაც ამბობდეს. ხოლო, 2,5-3 წლის ასაკისთვის 3-4-სიტყვიანი წინადადებების თქმა უნდა შეეძლოს. თუ 3 წლის ასაკისთვის ბავშვი არ მეტყველებს, ეს უკვე საგანგაშო ნიშანია და აუცილებელია, მშობელმა სპეციალისტს მიმართოს. მეტიც, როდესაც ბავშვი 3 წლის ასაკში არ ლაპარაკობს, ეს უკვე მეტყველების განვითარების შეფერხების მძიმე ფორმად ითვლება. ასეთ შემთხვევაში, მნიშვნელოვანია, რომ ნევროლოგთანაც გაიარონ კონსულტაცია და მეტყველების თერაპევტთანაც. შემდეგ შესაძლოა, ფსიქოლოგის ჩართულობაც გახდეს აუცილებელი.

• გთავაზობთ 4 ძირითად ნიშანს, რომელიც გიკარნახებთ, აქვს თუ არა ბავშვს მეტყველების პრობლემები.
• • 2-2,5 წლის ასაკში პატარა თითქმის არ ლაპარაკობს. მისი ესმით მხოლოდ მშობლებს ან ძიძას.
• • 5 წლის ასაკშიც კი ჩლიფინებს, ტოვებს ან ანაცვლებს ბგერებს.
• • 3-4 წლის ასაკში სულმოუთქმელად სწრაფად ლაპარაკობს ან პირიქით, სიტყვებს აჭიანურებს.
• • დიდი ხნის განმავლობაში არ შეიმჩნევა წინსვლა - ერთნაირად დამახინჯებით ლაპარაკობს 2, 3 და 4 წლის ასაკში.

თუ მეტყველების დარღვევები 6 წლის შემდეგაც არსებობს, სჯობს, ბავშვის სკოლაში შეყვანა გადადოთ - ფსიქოფიზიოლოგები მეტყველების პრობლემებზე

როდესაც ბავშვი 3 წლის ასაკში არ ლაპარაკობს, ეს მეტყველების შეფერხების მძიმე ფორმად ითვლება - სპეციალისტი მეტყველების დარღვევის მიზეზებსა და საყურადღებო ნიშნებზე საუბრობს

მეტყველების პრობლემები ბავშვებში: საჭიროა თუ არა ლოგოპედი?