მარიტა ჯანაშია და თემო საჯაია მეორე შვილის მოლოდინში - "მაისში ვიზეიმებ მეორედ მამობას..." - მშობლები

კიდევ ერთი ცნობილი შოუბიზნესური წყვილია შვილის მოლოდინში - მარიტა ჯანაშია და თემო საჯაია მაისში მეორედ გახდებიან მშობლები.

მარიტა და თემო 5 წელია ერთად არიან.

მათი ვაჟი - ბექა 4 წლისაა. ბექას მარიტამ მამის პატივსაცემად დაარქვა ეს სახელი. როგორც ცნობილია, მარიტა ცნობილი მსახიობის მარი ჯანაშიას შვილიშვილია.

პატარა ბექას, რომელსაც მოფერებით კრუასანს ეძახიან მშობლები, მალე ძამიკო ეყოლება.

- ჯერ ბოლომდე ვერ აცნობიერებს და მეც არ მინდა დავტვირთო ძალიან ემოციურად. პატარაა, 4 წლისაა. თან წინასწარ არ მიყვარს რაღაცების კეთება, საწოლის აწყობა, ტანსაცმლის ყიდვა. ბავშვთანაც ჯერ არ მილაპარაკია... ჯერ 4 თვის ორსული ვარ. ყველაფერს თავისი დრო აქვს... - ამბობს მარიტა.