როდის დაიწყება სკოლებში საგაზაფხულო არდადეგები და დაისვენებენ თუ არა ბაღებში - ინფორმაცია უწყებებიდან - მშობლები
როდის დაიწყება სკოლებში საგაზაფხულო არდადეგები და დაისვენებენ თუ არა ბაღებში - ინფორმაცია უწყებებიდან
სკოლებში საგაზაფხულო არდადეგები 8 მარტიდან დაიწყება, 15 მარტის ჩათვლით გაგრძელდება და სწავლა 16 მარტიდან განახლდება - ამის შესახებ განათლების, მეცნიერებისა და ახალგაზრდობის სამინისტროში განგვიცხადეს.
სასწავლო წლის დასრულებამდე კი შემდეგი უქმე დღეებია დარჩენილი:
- 3 მარტი - დედის დღე
- 8 მარტი - ქალთა საერთაშორისო დღე
- 9 აპრილი - საქართველოს სახელმწიფოებრივი დამოუკიდებლობის აღდგენის აქტის მიღების დღე, საქართველოს ეროვნული ერთიანობის, სამოქალაქო თანხმობისა და სამშობლოსათვის დაღუპულთა მოგონების დღე.
- 9 მაისი - ფაშიზმზე გამარჯვების დღე
- 12 მაისი - ანდრია პირველწოდებულის ხსენების დღე, ყოვლადწმინდა ღვთისმშობლისადმი საქართველოს წილხვდომილობის დღე.
- 17 მაისი - ოჯახის სიწმინდის დღე
- 26 მაისი - საქართველოს დამოუკიდებლობის დღე
წელს მართლმადიდებლური სამყარო აღდგომას 12 აპრილს აღნიშნავს. ოფიციალურად, სააღდგომო დღეებში დასვენებაა: დიდი პარასკევი, დიდი შაბათი, აღდგომა, მიცვალებულთა მოხსენიების დღე.შესაბამისად, მოსწავლეები 10 აპრილიდან 13 აპრილის ჩათვლით დაისვენებენ.
2025-2026 სასწავლო წელი ოფიციალურად 15 ივნისს მთავრდება. თუმცა,მე-12 კლასი 20 მაისს, პირველი კლასი კი - 27 მაისს დაასრულებს სწავლას.
რაც შეეხება საბავშვო ბაღებს, როგორც თბილისის საბავშვო ბაგა-ბაღების მართვის სააგენტოში განგვიცხადეს, ბაღებში საგაზაფხულო არდადეგები არ ცხადდება და ოფიციალურად უქმე დღეების გარდა, სააღმზრდელო პროცესი ჩვეულებრივ წარიმართება.
