სოციალურ ქსელში გვერდი რუსთავი დღეს სამწუხარო ამბავს იუწყება:
"რუსთავში ახალგაზრდა პოლიციელი გარდაიცვალა.
27 წლის რუსთაველი პოლიციელი დავით გვაზავა ავტოსაგზაო შემთხვევის შედეგად მიღებული დაზიანებებით კლინიკაში გარდაიცვალა. გავრცელებული ინფორმაციით, ახალგაზრდა სამართალდამცველი 20 თებერვალს მომხდარი მძიმე ავარიის შემდეგ სიცოცხლისთვის 6 დღის განმავლობაში იბრძოდა, თუმცა მიღებული დაზიანებები ფატალური აღმოჩნდა.
დავით გვაზავას კოლეგები დადებით პიროვნებად ახასიათებენ და აღნიშნავენ, რომ იგი კეთილშობილი, საქმის ერთგული და პასუხისმგებლიანი პოლიციელი იყო, რომელსაც თანამშრომლები განსაკუთრებულ პატივს სცემდნენ".