რამდენად სწორი და ჰარმონიული ურთიერთობა გაქვთ შვილთან - გააკეთეთ ტესტი და შეაფასეთ აღზრდის თქვენი სტილი - მშობლები

თინეიჯერობის ასაკი ერთ-ერთი ყველაზე რთული ეტაპია როგორც ბავშვისთვის, ისე მშობლისთვის. გუშინდელი პატარა, რომელიც ყველაფერს გიყვებოდა, დღეს შეიძლება უფრო ჩაკეტილი გახდეს, საკუთარ სივრცეს ითხოვდეს და ხშირად საერთოდ არ გიზიარებდეს იმას, რაც მის ცხოვრებაში ხდება.

გქონიათ მომენტი, როცა ვერ მიხვდით რას ფიქრობს თქვენი შვილი? ან გიფიქრიათ — „ნამდვილად ვიცნობ ჩემს შვილს?“ეს სრულიად ბუნებრივია.

ურთიერთობა მშობელსა და თინეიჯერს შორის მუდმივად იცვლება — და ხშირად რთულია გავიგოთ, სად გადის ზღვარი კონტროლსა და ნდობას შორის.

ამ ტესტის დახმარებით შეძლებთ უკეთ შეაფასოთ: რამდენად ძლიერი კავშირი გაქვთ თქვენს შვილთან ახლა.უპასუხეთ გულწრფელად 10 კითხვას და ბოლოს ნახავთ, როგორი ტიპის მშობელი ხართ.

გახსოვდეთ — შედეგის მიუხედავად, თქვენ თქვენი შვილისთვის საუკეთესო მშობელი ხართ.

ტესტი

1 / 10

თქვენი შვილი ვახშმის დროს ტელეფონში ჩასცქერის. რას აკეთებთ?

ა) სუფრასთან ტელეფონი არ გამოიყენება — და ეს წესი ყველასთვის ერთნაირია.

ბ) შევახსენებ წესს, მაგრამ თუ მნიშვნელოვანი მიმოწერაა, ვაცდი და დასრულების საშუალებას ვაძლევ.

გ) ზოგჯერ ორივე ვუყურებთ ეკრანს — მთავარია, ჭამა არ დაგვავიწყდეს.

დ) ვეუბნები: „თუ მეც ახლა ხმამაღლა ჩავრთავ ჩემს სერიალს, წინააღმდეგი ხომ არ იქნები?“ — და ჩვეულებრივ ტელეფონს მაშინვე დებს.

2 / 10

შვილი ამბობს სიტყვას „სლეი“. რას ფიქრობთ?

ა) ალბათ რაღაც უხერხული ან ცუდია.

ბ) ზუსტად ვიცი რას ნიშნავს და ზოგჯერ თავადაც ვიყენებ.

გ) საინტერესოა… ახლა უნდა გამეცინოს?

დ) თავში ვიწყებ ლექციას, როგორ არ უნდა ვაფუჭოთ ენა.

3 / 10

შვილი გთხოვთ მეგობრებთან ერთად მოლში წასვლას. რას პასუხობთ?

ა) „როდის დაბრუნდები? მეგობრის ნომერი მომეცი და ლოკაციაც ჩართე“.

ბ) „წადი, მაგრამ 8-ზე სახლში იყავი“.

გ) „კი, რა თქმა უნდა — მომწერეთ სად იქნებით და თუ რამეა, დამირეკე“.

დ) „შეიძლება, მაგრამ მე მიგიყვან და წამოგიყვან“.

4 / 10

როგორ იგებთ, რა ხდება თქვენი შვილის ცხოვრებაში?

ა) შემთხვევითი ფრაზებით და სოციალური ქსელებიდან.

ბ) გვაქვს ტრადიცია — ძილის წინ ან გზაში ვსაუბრობთ.

გ) თავად მოდის, როცა რამე მნიშვნელოვანი აქვს სათქმელი.

დ) მშობლების ჩატებში ვკითხულობ — იქ ყოველთვის ყველაფერი იციან.

5 / 10

შვილმა მიიღო დაბალი ნიშანი იმ საგანში, რომელიც არ უყვარს. რას აკეთებთ?

ა) ვბრაზდები, ვზღუდავ და მერე რეპეტიტორს ვპოულობ.

ბ) ვეკითხები — ვერ გაიგო თუ მასწავლებელი იყო მკაცრი?

გ) ვეუბნები: „კარგია, რომ ორზე არ ჩამოვიდა“.

დ) ვეუბნები, რომ ასე თუ გაგრძელდა, ცუდი მომავალი ექნება.

6 / 10

შვილის ოთახში ქაოსია. რას ფიქრობთ?

ა) „როგორ შეიძლება ასე ცხოვრება?“ — და ჩუმად გამოვდივარ.

ბ) „შაბათს ერთად დავალაგოთ, დაგეხმარები“.

გ) „მისი ტერიტორიაა, მაგრამ თუ სუნი გაჩნდა — ჩავერევი“.

დ) „ისევ მე უნდა დავალაგო“.

7 / 10

როგორ ეკონტაქტებით მესენჯერში?

ა) მხოლოდ საქმეზე.

ბ) ხანდახან ვუგზავნით ერთმანეთს სახალისო რამეებს.

გ) გვაქვს აქტიური, თბილი მიმოწერა.

დ) მე ბევრს ვწერ, ის — თითქმის არაფერს.

8 / 10

ხედავთ, რომ შვილი მოწყენილია, მაგრამ არაფერს ამბობს. რას აკეთებთ?

ა) მოვთხოვ, მითხრას რა ხდება.

ბ) ვცდილობ გამოვიცნო, რა ხდება.

გ) ვეუბნები: „თუ მოგინდება, მე აქ ვარ“.

დ) ვაცდი და მერე ფრთხილად ვკითხულობ.

9 / 10

შვილი გთხოვთ ძვირადღირებულ ნივთს „როგორც სხვებს აქვთ“. რას პასუხობთ?

ა) „სხვები რაში მაინტერესებს?“

ბ) „მართლა გჭირდება თუ უბრალოდ გინდა?“

გ) ვიყიდი, თუ გონივრულ ფარგლებშია და პასუხისმგებლობას გამოიჩენს.

დ) ვეუბნები, თავად დააგროვოს ფული.

10 / 10

რომელი ფრაზაა თქვენთან ყველაზე ახლოს?

ა) მეგობრებივით ვართ, მაგრამ ხანდახან მკაცრი ვარ.

ბ) პატივს ვცემ მის სივრცეს, მაგრამ კონტროლს ვინარჩუნებ.

გ) იდეალური მშობელი არ არსებობს.

დ) მინდა, დამოუკიდებელი გაიზარდოს, თუნდაც ახლა მკაცრად მეჩვენებოდეს.

შედეგები

ქულების დათვლა:

• ა = 1 ქულა
• ბ = 2 ქულა
• გ = 3 ქულა
• დ = 4 ქულა

შეკრიბეთ ყველა პასუხი

10–18 ქულა

თქვენ მკაცრი და კონტროლზე ორიენტირებული მშობელი ხართ. ბავშვს შეიძლება აკლდეს სილაღე და თავისუფლება, არ იყოს საკმარისად გახსნილი.

19–26 ქულა

თქვენ ზრუნავთ, მაგრამ ზოგჯერ კონტროლი ჭარბობს. ურთიერთობა სტაბილურია, თუმცა მეტი ნდობა გააძლიერებდა მას.

27–34 ქულა

შესანიშნავი ბალანსი - თქვენ შორის არის ნდობა, საზღვრები და ჯანსაღი კომუნიკაცია.

35–40 ქულა

თქვენ ძალიან ახლო და მეგობრული ურთიერთობა გაქვთ. კავშირი ძლიერია, თუმცა ზოგჯერ ზედმეტი თავისუფლებაც შეიძლება იყოს.