12-წლიანი განშორების შემდეგ ირაკლი ფირცხალავა ყოფილ ცოლს დაუბრუნდა - "კიდევ ერთი მცდელობაა..." - მშობლები

მომღერალი ირაკლი ფირცხალავა 12 წლის შემდეგ ყოფილ მეუღლეს, სოფია გრებენშჩიკოვას დაუბრუნდა და მასთან ერთად რეალითი შოუში „ფსონი სიყვარულზე“ გამოჩნდა. წყვილი 2009 წელს დაქორწინდა და ორი ვაჟი (15 წლის ილია და 13 წლის ალექსანდრე) შეეძინათ, თუმცა 2014 წელს დაშორება გადაწყვიტეს. ახლა კი ცდილობენ, ყველაფერი თავიდან დაიწყონ.

„რეალითი შოუში მონაწილეობა იმის გააზრების მცდელობაა, აქვს თუ არა ჩვენს ურთიერთობას მომავალი, თუ დროა, ყველაფერი დავასრულოთ“, - აღიარეს ყოფილმა მეუღლეებმა.

აღსანიშნავია, რომ ბევრს არ სჯერა, რომ წყვილი ამდენი წლის შემდეგ ნამდვილად შერიგდა. ინტერნეტის მომხმარებლები თვლიან, რომ ისინი უბრალოდ მომავალი შოუს მიმართ ინტერესს აღვივებენ.

12 წლის წინ, როცა წყვილი ერთმანეთს დაშორდა, მუსიკოსმა აღიარა, რომ სურდა ამის საიდუმლოდ შენახვა, მაგრამ მოუწია ამ ვითარების შესახებ საუბარი, რათა მის ოჯახს კითხვებით შეწუხება შეეწყვიტა.

„დიახ, უკვე რამდენიმე თვეა მარტო ვცხოვრობ; სახლი დავტოვე. მეგობრებმა და ოჯახის წევრებმა იციან: როდესაც დავქორწინდი, მეგონა, რომ ეს სამუდამოდ იყო. ამას ძალიან სერიოზულად ვეკიდები. მაგრამ, სამწუხაროდ, ჩემი განზრახვები არ ემთხვეოდა ღვთის გეგმებს. მივხვდი, რომ ზოგიერთი სიტუაცია ადამიანის კონტროლს სცილდება. და არის შემთხვევები, როდესაც უბრალოდ უნდა შეეგუო ცხოვრებას ისეთს, როგორიც არის. ბოლო დროს ჩვენი ურთიერთობა ჩიხში შევიდა. არ ვიცი, რა მოხდება შემდეგ - ეს ყველაფერი ღვთის ნებაა. მაგრამ მე რატომღაც შევეგუე ამ სიტუაციას“, - აღიარა ირაკლიმ.

გრებენშჩიკოვასთან დაშორების შემდეგ, ირაკლიმ დაიწყო მოდელ სვეტლანა ზახაროვასთან შეხვედრა, რომელთანაც ერთად ჩანდა სოციალურ ღონისძიებებზე.

• ირაკლი ფირცხალავა 1977 წლის13 სექტემბერს დაიბადა მოსკოვში. მამამისი, ნიკოლოზ ქსნელაშვილი, თბილისში ცნობილი გინეკოლოგი იყო, თუმცა შვილის დაბადებიდან მალევე დედას, ნანა ფირცხალავას დაშორდა. პროფესიით ინჟინერმა დედამ ირაკლი მარტო გაზარდა.

ბავშვობაში ირაკლიმ 5 სკოლა გამოიცვალა და სწავლობდა სპორტულ სკოლა-ინტერნატში ფრანგული განხრით. ბავშვობიდან ფეხბურთელობაზე ოცნებობდა, მაგრამ დედის დაჟინებული სურვილით, 5 წლის ასაკში მუსიკალურ სკოლაში ჩაირიცხა. 13 წლისამ მიატოვა მუსიკალური სასწავლებელი და 2 წელი საფეხბურთო კლუბ "ლოკომოტივში" ვარჯიშობდა. მოგვიანებით, მიხვდა, რომ წარმატებული საფეხბურთო კარიერის შესაქმნელად უკვე ძალიან დიდი იყო და იმის გააზრებით, რომ მუდმივად მეორე შემადგენლობაში ითამაშებდა, დატოვა საყვარელი კლუბი. შენდეგ დაიწყო მუსიკალური კარიერა და რამდენიმე ჰიტის დამსახურებით, რუსული ესტრადის ვარსკვლავი მალევე გახდა.

ამჟამად ირაკლი ბათუმში ცხოვრობს, სადაც ბიზნესს მართავს და შემოქმედებით საქმიანობას აგრძელებს.

ქეთა თოფურიას შვილების მხიარულ ვიდეოს ასიათასობით ნახვა აქვს - მომღერალი უქმე დღეების ოჯახურ კადრებს გამომწერებს უზიარებს (ვიდეო)

ქეთა თოფურია ანასტასია სისაურს რუსული შოუბიზნესის წრეებში უკვალავს გზას - მომღერლები მუსიკალურ დაჯილდოებაზე ერთად მივიდნენ

19 წლის გოგონასთან რომანის დასრულების შემდეგ, 63 წლის გრიგორი ლეპსი ცოლს უბრუნდება