ყვავილები, რომელთა დარგვა აპრილში ჯობია - მზის და ჩრდილის მოყვარულები და ყველაზე ადვილად მოსავლელები - მშობლები

ეზოსა და აგარაკისთვის სწორად შერჩეული მცენარეები არა მხოლოდ ლამაზ გარემოს ქმნის, არამედ მინიმალურ მოვლასაც მოითხოვს და ლამაზი ეზოსთვის მუდმივი შრომა არ მოგიწევთ. აპრილი კი მათ დასარგავად ყველაზე შესაფერისი თვეა.

გირჩევთ, რომელი ყვავილები ჯობს დარგოთ მზიან და რომელი — ჩრდილიან ადგილებში, რათა თქვენი ბაღი მთელი სეზონის განმავლობაში ლამაზი და მოვლილი იყოს.

რომელი ყვავილები დავრგოთ მზიან ადგილას

თუ თქვენი ნაკვეთი დღის განმავლობაში მუდმივად მზის ქვეშ არის, ჩრდილის მოყვარული მცენარეები იქ ვერ გაძლებენ. ასეთ შემთხვევაში უნდა აირჩიოთ მზის მოყვარული და გვალვაგამძლე ყვავილები.

როგორ მივხვდეთ, რომ მცენარეებს ზედმეტი მზე აწუხებთ?

• ფოთლებზე ჩნდება გამხმარი ლაქები
• მცენარეები ცუდად იზრდება და ხშირად ხმება

ამიტომ ასეთ პირობებში საუკეთესოა შემდეგი ყვავილები:

თავთავიანი ვერონიკა

მზეს კარგად იტანს და მხოლოდ გვალვის დროს სჭირდება მორწყვა. აპრილიდან ივნისამდე ყვავის და მოვლა თითქმის არ სჭირდება.

ექინაცეა

ყვავის ზაფხულიდან შემოდგომამდე. ზედმეტ წყალს არ უყვარს და ძალიან უპრეტენზიოა.

მზესუმზირა

სრულიად მზის მცენარეა — ყოველთვის მზისკენ ბრუნავს. დარგვა უმჯობესია აპრილის ბოლოს ან მაისში. საჭიროებს მორწყვას და პერიოდულ გამოკვებას.

ცინია

ძალიან ფერადი და დეკორატიული ყვავილია. ჩრდილში სუსტდება, ამიტომ აუცილებლად მზეზე უნდა დარგოთ.

წითელი ვალერიანა

გვალვაგამძლეა, უყვარს მზე და არ იტანს ზედმეტ ტენს. მთელი ზაფხული ყვავის.

ლისიმაქია

მზეზე ყოფნა შეუძლია დღეში 8–10 საათიც. ყვავის ივნისიდან ყინვებამდე. ზომიერი მორწყვა სჭირდება.

გაილარდია

მზიანი, ნათელი ფერების მრავალწლოვანი ყვავილია. კვირაში ერთხელ მორწყვაც საკმარისია.

ირისი (ზამბახი)

უყვარს მზე, მაგრამ ზედმეტი ტენი არა. კვირაში 1–2-ჯერ მორწყვა საკმარისია.

ბეგქონდარა

დეკორატიულიცაა და კულინარიაშიც გამოიყენება. ჩრდილს ვერ იტანს და გვალვაგამძლეა.

პორტულაკი

თბომოყვარული მცენარეა, რომელიც მხოლოდ კარგად გათბობილ ნიადაგში უნდა დაირგოს.

რომელი ყვავილები დავრგოთ ჩრდილში

თუ თქვენი ეზო ნახევრად ან სრულ ჩრდილშია, ასეთ ადგილებში ნიადაგიც უფრო ტენიანია, ამიტომ საჭიროა ტენგამძლე მცენარეები.

ასტილბა

უყვარს ტენიანი ნიადაგი და რეგულარული მორწყვა. ყვავის ივნის–ივლისში.

ბალზამინი

ჩრდილის მოყვარული მცენარეა, რომელსაც ხშირი მორწყვა სჭირდება. ქოთნებშიც კარგად იზრდება.

ლისიმაქია

ნახევრად ჩრდილში საუკეთესოდ გრძნობს თავს. უყვარს ტენი და მინიმალურ მოვლას საჭიროებს.

ჰორტენზია

ძალიან პოპულარული ბუჩქოვანი მცენარეა. უყვარს ნახევარი ჩრდილი და ტენიანი ნიადაგი.

დიცენტრა

უჩვეულო ფორმის ყვავილებით გამოირჩევა. ჩრდილში და ტენიან ნიადაგში კარგად იზრდება.

მირაბილისი

საღამოს ყვავილობს და სასიამოვნო სურნელი აქვს. ჩრდილსა და ნოყიერ ნიადაგს ამჯობინებს.

პრიმულა

დაბალი, ფერადი მცენარეა, რომელიც პირდაპირ მზეს ვერ იტანს. იდეალურია ჩრდილოვანი ადგილებისთვის.

როდოდენდრონი

ლამაზი ბუჩქია, რომელსაც მჟავე ნიადაგი და ნახევარი ჩრდილი სჭირდება.

ფუქსია

ძალიან ეფექტური ყვავილია, რომელიც ნახევარ ჩრდილს და ზომიერ მორწყვას მოითხოვს.

ჰოსტა

ჩრდილის ერთ-ერთი საუკეთესო მცენარეა. უყვარს ტენიანი და ნოყიერი ნიადაგი.