დიდი წონით დაბადებულს ჩვილებს მოზრდილობისას გულის რითმის დარღვევის გაზრდილი რისკები აქვთ - ამის შესახებ კვლევა ჩინელმა მეცნიერებმა წარადგინეს. რისკი ეხება ახალშობილებს, რომლებიც დაბადებისას 4 კილოგრამს ან მეტს იწონიდნენ.

537 000-ზე მეტი ადამიანის მონაცემების ანალიზმა აჩვენა, რომ საშუალოზე ( 3400 გრამი) მეტი წონის ბავშვებს მოზრდილობაში მოციმციმე არითმიის განვითარებისკენ აქვთ მიდრეკილება. მაგალითად, საშუალო წონაზე ყოველი დამატებითი 485 გრამი ამ რისკის 30%-იან ზრდასთანაა დაკავშირებული. ეს კავშირი განსაკუთრებით გამოხატულია, თუ დაბადების წონა ოთხ კილოგრამს აღემატებოდა.

წინაგულების ფიბრილაცია გულის რითმის დარღვევის ერთ-ერთი ყველაზე გავრცელებული ფორმაა, რომელიც მთელ მსოფლიოში 40 მილიონზე მეტ ადამიანს აწუხებს. წინაგულების ფიბრილაციასთან დაკავშირებული მთავარი საფრთხე ინსულტის რისკის ზრდაა.

მკვლევარები ვარაუდობენ, რომ გენები, რომლებიც დაბადების წონას განსაზღვრავენ, შეიძლება ასევე მნიშვნელოვან როლს თამაშობდნენ გულის რითმის რღვევისადმი მიდრეკილებაში. ამიტომ, მომავალმა დედებმა, განსაკუთრებით მათ, ვისაც ჭარბი წონა, სიმსუქნე და დიაბეტი აწუხებთ (რაც ხელს უწყობს „მძიმე“ ბავშვის დაბადებას), ორსულობის დროს განსაკუთრებით ფრთხილად უნდა აკონტროლონ თავიანთი რაციონი და რეგულარული სამედიცინო გამოკვლევები ჩაიტარონ - გვირჩევენ კვლევის ავტორები.

ახალშობილი ბავშვის ნორმალური წონა ჩვეულებრივ მერყეობს დაახლოებით 2.5 კილოგრამიდან 3,900 კილოგრამამდე.

საშუალოდ, ყველაზე ხშირად ბავშვები იბადებიან 3–3.5 კილოგრამის ფარგლებში. თუ წონა 2.5 კილოგრამზე ნაკლებია, მას დაბალი წონა ეწოდება, ხოლო 4 კილოგრამზე მეტი უკვე შედარებით დიდი წონად ითვლება.

"გოლიათი" ჩვილების რისკები

ასე რომ, მთავარი არა კონკრეტული ციფრია, არამედ ის, შეესაბამება თუ არა ბავშვის განვითარება მის ასაკსა და მდგომარეობას.

ექიმებმა 300-გრამიანი დღენაკლული ჩვილი გადაარჩინეს - კლინიკამ ახალშობილის ფოტო გამოაქვეყნა