"მამაჩემის გარდაცვალება დამავიწყა ხათუნას დაავადებამ... ძალიან რთულია ადამიანისთვის მშობლის დაკარგვა... ის ცხრა წელი, რაც მამა დაჭერილი იყო, გაუხანგრძლივდა ცხოვრება" - ნინი ქარსელაძე მშობლებთან დაკავშირებულ განსაცდელებზე - მშობლები
"მამაჩემის გარდაცვალება დამავიწყა ხათუნას დაავადებამ... ძალიან რთულია ადამიანისთვის მშობლის დაკარგვა... ის ცხრა წელი, რაც მამა დაჭერილი იყო, გაუხანგრძლივდა ცხოვრება" - ნინი ქარსელაძე მშობლებთან დაკავშირებულ განსაცდელებზე
მომღერალი ნინი ქარსელაძე თემურ ებიტაშვილის პოდკასტში "მძიმე წერტილი" იყო სტუმრად. ინტერვიუში ბევრ საკითხს შეეხო - პოლიტიკას, ბულინგს, წყენებს, დედის - ხათუნა ჟორდანიას დაავადებას და ამასთან დაკავშირებით წამოწყებულ ახალ საქმიანობას. ნინის თქმით, ის გუნდთან ერთად მალე წარადგენს ფონდს, რომელიც ონკოპაციენტებს დაეხმარება.
ასევე ისაუბრა მამაზე, რომელიც წამალდამოკიდებული იყო და აღნიშნა, რომ მისი დამოკიდებულება წინა ხელისუფლების მიმართ არანაირად არ უკავშირდება იმ წლებში მამამისის დაპატიმრებას.
ნინი ქარსელაძე:
- პირიქით, მამაჩემი რომ დაიჭირეს, ამისთვის მადლიერებაც შემიძლია გამოვხატო იმიტომ, რომ მძიმე სენით იყო დაავადებული და ძალიან კარგი გადარჩენის გზა იყო ეს მისთვის... მამაფერ შუაშია. იდეოლოგიაა მათი, რომელიც იყო დაუნდობელი....
მე სხვათა შორის ამაზე ძალიან ღიად ვსაუბრობ, რომ მამა ნარკოდამოკიდებული იყო და ეს არ არის ჩემთვის ტაბუდადებული თემა. მისი დაჭერა - პირიქით. მას ის ცხრა წელი, რაც დაჭერილი იყო, გაუხანგრძლივდა ცხოვრება და მისი ნახვის საშუალება ამ ცხრა წლის განმავლობაში მე მქონდა...
ყველაზე მნიშვნელოვანი ჩემს ცხოვრებაში არის ის, რომ დღეს ხათუნა ჯანმრთელია... მადლობა ღმერთს ამისთვის და ალბათ ყველა შვილი ასე მოიქცეოდა. ჩემს საქციელში არაფერი განსაკუთრებული არ არის და ვთვლი, რომ ასეც უნდა იყოს...
ხათუნას ამბავი გავიგე 2019 წლის 21 ივლისს, 12 ივლისს გარდაიცვალა მამა...
მამაჩემის გარდაცვალება დამავიწყა ხათუნას დაავადებამ, იმიტომ, რომ მაქსიმალურად ორიენტირებული ვიყავი იმაზე, რომ სიკვდილი დამემარცხებინა და ამისთვის ხუთი წელი დამჭირდა... ძალს მე და ძალს იქით სიკვდილი.. რა თქმა უნდა, ძალიან რთულია ადამიანისთვის მშობლის დაკარგვა, მაგრამ ეს მე იმ პერიოდში ვერ აღვიქვი და რაღაცა პერიოდის მერე მივხვდი, რომ მამა აღარ მყავდა, ოღონდ დაახლოებით ალბათ ორი წელი გასული... უბრალოდ ასე ვიცოდი, მაგრამ ჩემმა ტვინმა მიიღო მაშინ, როდესაც ხათუნას ანალიზები უკეთესობისკენ წავიდა...
ჩემი თერაპია არის ჩემი სულიერი მოძღვარი და მისი დახმარებით გავიარე ყველა სირთულე ჩემს ცხოვრებაში. ეს არ იყო ერთადერთი სირთულე, რა თქმა უნდა. ყველა ადამიანს აქვს სირთულეები და ამ ყველა რთულ გზაზე მისი გვერდში დგომა იყო ჩემთვის ყველაზე მნიშვნელოვანი და ამით მე ვთვლი, რომ დღეს არ ვარ მძიმე დეპრესიის ქვეშ მყოფი ადამიანი და ეს არის მხოლოდ და მხოლოდ ღმერთის და მისი დამსახურება.
