ექსკურსიაზე 12 წლის მოსწავლე დაშავდა - გოგონა სიმაღლიდან გადმოვარდა - მშობლები
ექსკურსიაზე 12 წლის მოსწავლე დაშავდა - გოგონა სიმაღლიდან გადმოვარდა
ბოდბის მონასტერში ექსკურსიის დროს 12 წლის გოგონა დაშავდა. ამის შესახებ ინფორმაციას მთავარი ამბები კახეთიდან ავრცელებს.
გამოცემის თანახმად, მეექვსეკლასელი, რომელიც წარმოშობით ბოლნისიდან არის, შემთხვევის დროს პედაგოგებსა და მშობლებთან ერთად, მონასტრის დასათვალიერებლად იმყოფებოდა.
როგორც ადგილობრივებმა mak.ge-სთან აღნიშნეს, გოგონა, შემოღობილ ადგილზე რამდენიმე მეტრის სიმაღლიდან გადავარდა და თავი სავარაუდოდ ქვას დაარტყა.
მიღებული ტრამვით, სასწრაფო-სამედიცინო დახმარების ბრიგადამ მოზარდი წნორში, არქიმედეს კლინიკაში გადაიყვანა.
კლინიკის მენეჯერის, ოთარ რუაძის განცხადებით, მოზარდს აქვს მსუბუქი დაზიანება, აღენიშნება თავის ტვინის შერყევა და შესაბამისი მკურნალობა უტარდება.
