როდის გავრეცხოთ კვერცხი, მოხმარების წინ თუ წინასწარ და რამდენ ხანს ინახება მაცივარში გარეცხილი და გაურეცხავი კვერცხი - ირაკლი არაბულის რჩევები - მშობლები
როდის გავრეცხოთ კვერცხი, მოხმარების წინ თუ წინასწარ და რამდენ ხანს ინახება მაცივარში გარეცხილი და გაურეცხავი კვერცხი - ირაკლი არაბულის რჩევები
კვერცხი ერთ-ერთი ყველაზე ხშირად მოხმარებადი პროდუქტია, თუმცა მისი უსაფრთხოდ შენახვა და გამოყენება განსაკუთრებულ ყურადღებას მოითხოვს. ბევრი ადამიანი ფიქრობს, რომ კვერცხის გარეცხვა აცილებელია, თუმცა ეს მხოლოდ სისუფთავისთვის არის საჭირო. ამ პროცესს თავისი წესები აქვს. არასწორად გარეცხილმა ან შენახულმა კვერცხმა შესაძლოა ბაქტერიების გამრავლების რისკი გაზარდოს, ამიტომ მნიშვნელოვანია ვიცოდეთ, როდის, როგორ და სად უნდა შევინახოთ ის.
ამის შესახებ სურსათის უვლებლობის სპეციალისტი ირაკლი არაბული საუბრობს:
"კვერცხის საფუძვლიანი და სწორი გარეცხვა ერთ-ერთი მნიშვნელოვანი პრაქტიკაა იმისთვის, რომ თავი დავიცვათ სურსათით გამოწვეული დაავადებებისგან.
როდესაც კვერცხი ირეცხება, გარდა იმისა, რომ მას გარედან სცილდება სხვადასხვა დაბინძურება და შესაძლებელია მოსცილდეს ასევე პათოგენური მიკროორგანიზმები, ამასთან ერთად, კარი იღება, ასე ვთქვათ ბაქტერიებისთვის, რომლებსაც შეუძლიათ ნაჭუჭის შიგნით შეღწევა.
ამიტომ ძალიან მნიშვნელოვანია, კვერცხი გავრეცხოთ გამოყენებამდე, და თუ მაინცდამაინც გვსურს გარეცხილი კვერცხის შენახვა მაცივარში, არ შევინახოთ ერთ დღეზე მეტხანს, რადგან არ დაბინძურდეს ჩვენი გარეცხილი კვერცხი ხელმეორედ.
ხოლო გარეცხილი კვერცხი და ზოგადად ნებისმიერი კვერცხი არ შევინახოთ მაცივრის კარების თაროზე, შევინახოთ ყველაზე ღრმა ადგილას, სადაც ყველაზე კარგი ტემპერატურაა მალფუჭებადი პროდუქტებისთვის." - ამბობს ირაკლი არაბული.
როგორ უნდა ინახებოდეს გაურეცხავი კვერცხი მაცივარში?
გაურეცხავი კვერცხი მაცივარში უნდა შეინახოთ:
- თავდაპირველ მუყაოს ან პლასტმასის შეფუთვაში;
- მაცივრის ყველაზე ღრმა ნაწილში, სადაც ტემპერატურა ყველაზე სტაბილურია;
- არა კარის თაროზე, რადგან კარის ხშირი გაღება-დახურვის გამო ტემპერატურა მუდმივად იცვლება;
- წვეტიანი ბოლოთი ქვემოთ, რაც ჰაერის კამერის სწორ მდებარეობას და კვერცხის უკეთ შენახვას უწყობს ხელს.
რამდენ ხანს ინახება კვერცხი მაცივარში?
თუ კვერცხი გაურეცხავია და მუდმივად მაცივარში ინახება, ჩვეულებრივ 3–5 კვირის განმავლობაში ინარჩუნებს კარგ ხარისხს.
