LIB.GE-ს სივრცის 1-ელი ივნისის საბავშვო ფესტივალმა „კითხვა-კითხვით“ დიდი ანშლაგით ჩაიარა. „სითი მოლის“ საბურთალოს ფილიალში მდებარე „კავეას“ სივრცეს თბილისისა და მახლობელი სოფლების სკოლებიდან ასობით ბავშვი სტუმრობდა.

ფესტივალის გენერალური სპონსორი იყო ფარმაცევტული კომპანია „ავერსი“, პარტნიორები - Cavea Cinemas, გამომცემლობა „პალიტრა L“ და მულტიფუნქციური საბავშვო სივრცე „თამაშობანა“.

ფესტივალის მთავარი ნიშანი, გასართობი პროგრამების პარალელურად, მხატვრული ლიტერატურისა და განათლების მნიშვნელობაზე საუბარი იყო.

„ბავშვებს მრავალფეროვანი პროგრამით ვუმასპინძლეთ, რომელიც ცოდნის გაზიარებასა და განათლების აუცილებლობის გააზრებაზე იყო დაფუძნებული. ღონისძიებას ალექსანდრე ლორთქიფანიძე უძღვებოდა. ფესტივალი ტრადიციად იქცევა და ის არამხოლოდ 1-ელ ივნისს, არამედ წელიწადის სხვადასხვა დროს, საქართველოს სხვადასხვა ქალაქში გაიმართება“, - აცხადებს LIB.GE სივრცის გენერალური დირექტორი მარიამ სოსელია.

პროგრამაში მონაწილეობდნენ: LIB.GE სივრცის დამფუძნებელი გიორგი კეკელიძე, ირმა მალაციძე, „თამაშობანა“ თემო გერაძის მოდერაციით და ნათია ფანჯიკიძე.

გარე სივრცეში მოეწყო „პალიტრა L“-ისა და „ბიბლუსის„ წიგნების გამოფენა-გაყიდვა, „ავერსის“ გათამაშება, კალიგრაფიის მასტერკლასი, ხატვის მასტერკლასი „პალიტრა სტუდიისგან“ და „თამაშობანას“ გათამაშება; დამსწრეებს სპონსორებისგან საჩუქრები გადაეცათ.

პირველი ფესტივალი სიმბოლურად დიუშენის კუნთოვანი დისტროფიის მქონე ბავშვებს მიეძღვნა.

ფესტივალის სპონსორები არიან: „ნამი 8“, „ჯიპიაი ჰოლდინგი“, „ზუმერი“, „ბამბინო“.

მხარდამჭერები: „ბებე+“, „ბიბლუსი“, „ძველი სუფრა“, „პალიტრა სტუდია“, „კამარა“, საქართველოს კალიგრაფთა ასოციაცია, „მინისო“, „ჯეოესემ“.

მედია მხარდაჭერა: BMG, Marketer.ge, TV Pirveli.

R