განსაკუთრებული საჭიროებების მქონე ბავშვებისთვის ეს დიდი მოვლენაა ბრიტანეთში დაიწყეს აქტიური კამპანია და გამოუშვეს ბაზარზე "ანტი-ბარბი" – თოჯინების სერია ინვალიდობის ნიშნებით ან გარეგნული დეფექტებით. როგორც თოჯინების მწარმოებლები ამბობენ, მათ შეზღუდული შესაძლებლობების მქონე ბავშვების მშობლების თხოვნებიც გაითვალისწინეს და უფრო მრავალფეროვანი, რეალისტური თოჯინები გამოუშვეს, რომლებიც ბავშვებში კომპლექსებს არ განავითარებს. როგორც ცნობილია, ბარბი მეტისმეტად იდეალისტურია და თურმე გოგონებს საკუთარ გარეგნობასთან დაკავშირებულ ბევრ კომპლექსს უჩენს.
ჯერჯერობით სერიაში სამი სახის თოჯინაა. ისინი გარეგნულად და რასობრივი კუთვნილებით გამოირჩევიან. ერთ-ერთს ხელჯოხი აქვს, მეორეს – სასმენი აპარატი, მესამეს კი – წითელი ლაქა სახეზე.