ცივი ყავის 5 საუკეთესო რეცეპტი - მხოლოდ რამდენიმე მარტივი ხრიკის ცოდნა დაგჭირდებათ - მშობლები

გემრიელი ცივი ყავის მოსამზადებლად მხოლოდ რამდენიმე მარტივი ხრიკის ცოდნა დაგჭირდებათ.

1. კლასიკური აის ლატე

ინგრედიენტები:

• ესპრესო — 100 მლ
• რძე 3,2% — 150 მლ
• ყინული — 8 კუბი
• სიროფი — გემოვნებით

მომზადება:

1. მოამზადეთ 100 მლ ესპრესო თქვენთვის მოსახერხებელი მეთოდით.
2. რძე კარგად გააციეთ.
3. 350 მლ მოცულობის ჭიქაში ჩაყარეთ ყინული და დაასხით რძე.
4. თუ კაპუჩინატორი გაქვთ, რძე წინასწარ ააფუშფუშეთ.
5. ესპრესო ფრთხილად დაასხით თხელი ნაკადით, რათა სასმელმა ფენები შეინარჩუნოს.
6. სურვილისამებრ დაამატეთ სიროფი.

აის ლატეს განსაკუთრებით უხდება თხილის, კარამელისა და დამარილებული კარამელის სიროფები.

2. აის ლატე ხსნადი ყავით

ინგრედიენტები:

• ხსნადი ყავა — 3 ჩაის კოვზი
• წყალი — 50 მლ
• ნაღები 20% — 150 მლ
• შაქარი — 3 ჩაის კოვზი
• ყინული — 8 კუბი

მომზადება:

1. ყავა გახსენით 50 მლ მდუღარე წყალში.
2. დაამატეთ შაქარი და კარგად ათქვიფეთ.
3. ჭიქაში ჩაასხით ცივი ნაღები.
4. ზემოდან ფრთხილად დაამატეთ ყავა.
5. ბოლოს ჩაყარეთ ყინულის კუბები.

3. კოლდ ბრუ — ცივი ყავის ნაყენი

ამ ყავის განსაკუთრებულობა ის არის, რომ ის ცივ წყალში რამდენიმე საათის განმავლობაში ყენდება. შედეგად მიიღება რბილი და ნაზი გემო.

ინგრედიენტები:

• მსხვილად დაფქული ყავა — 60 გ
• ცივი წყალი — 500 მლ
• შაქარი ან სიროფი — გემოვნებით
• ყინული — 8-10 კუბი

მომზადება:

1. დოქში ჩაასხით ცივი წყალი.
2. დაამატეთ მსხვილად დაფქული ყავა და აურიეთ.
3. დააფარეთ თავსახური ან საკვები ფირი.
4. შედგით მაცივარში 10 საათით ან მთელი ღამით.
5. შემდეგ გაფილტრეთ მარლით, საწურით ან ქაღალდის ფილტრით.
6. დაამატეთ ყინული და სურვილისამებრ დაატკბეთ.

4. აის ლატე პიტნით

ინგრედიენტები:

• ესპრესო — 100 მლ
• რძე 3,2% — 200 მლ
• ახალი პიტნა — 10 ფოთოლი
• ყინული — 8 კუბი
• პიტნის სიროფი — გემოვნებით

მომზადება:

1. მოამზადეთ და გააციეთ ესპრესო.
2. პიტნის ფოთლები მსუბუქად დაჭყლიტეთ.
3. ჩაყარეთ ჭიქის ძირში და დაამატეთ ყინული.
4. დაასხით ცივი რძე.
5. შემდეგ დაამატეთ ესპრესო.
6. სურვილისამებრ დაუმატეთ პიტნის სიროფი და აურიეთ.

5. ბანანის აის ლატე

ინგრედიენტები:

• ესპრესო — 50 მლ
• ბანანის რძე — 100 მლ
• რძე 3,2% — 50 მლ
• ყინული — 6-8 კუბიკი

მომზადება:

1. მოამზადეთ ესპრესო და გააციეთ.
2. 300-350 მლ მოცულობის ჭიქაში ჩაყარეთ ყინული.
3. დაასხით ჩვეულებრივი რძე.
4. შემდეგ დაამატეთ ბანანის რძე ან ბანანის მილქშეიქი.
5. ბოლოს დაასხით ესპრესო.

შედეგად მიიღებთ არომატულ, ნაზ და ოდნავ ტკბილ ცივ ყავას, რომელიც ზაფხულის ცხელ დღეებში იდეალური არჩევანია.

არ დალიოთ ყავა უზმოზე და საღამოს. შეიძლება გძინავთ, მაგრამ ძილის ხარისხი დაქვეითებულია - ნუტრიციოლოგი ყავის დღიურ ნორმასა და დალევის სწორ წესებს გაგაცნობთ

ამ პროდუქტებს და პრეპარატებს ყავა არასოდეს მიაყოლოთ - მინიმუმ, 1 საათი ყავის დალევა არავითარ შემთხვევაში არ შეიძლება...