8 წლის ინგუშ ბიჭუნას, რომელმაც მეგობრის გადასარჩენად თავი გაწირა, კვლავ ეძებენ - მშობლები

ინგუშეთში 8 წლის ბიჭს, ხიზირ დერბიჩევს, რომელიც მდინარეში მეგობრის გადასარჩენად გადახტა, მეშვიდე დღეა, ეძებენ.

„ძებნა სამძებრო-სამაშველო ოპერაციების დროს გამოვლენილ ძნელად მისადგომ ადგილებში მიმდინარეობს. დაახლოებით რვა ასეთი ადგილი იქნა გამოვლენილი, სადაც მაშველების ჯგუფია მობილიზებული“, - იუწყებიან საგანგებო სამსახურები.ძებნა მდინარე სუნჟას რამდენიმე მონაკვეთზე უკვე ჩატარდა. დაათვალიერეს მდინარის კალაპოტი და სანაპირო ზოლი, მუშაობენ მყვინთავებიც.

სოციალურ ქსელში უამრავი ადამიანი წერს პატარა გმირზე, რომელმაც საკუთარი სიცოცხლე გაწირა მეგობრის გადასარჩენად.

• უბედური შემთხვევა 15 ივნისს ინგუშეთში მდინარე სუნჟაზე მოხდა, სოფელ იანდარეში. ბიჭები მდინარის პირას თამაშობდნენ. მოულოდნელად ერთ-ერთ ბიჭს ფეხი დაუცურდა და ადიდებულ მდინარეში ჩავარდა. 8 წლის ხიზირი მაშინვე ჩახტა მის გადასარჩენად. მესამე ბიჭი სხვებისკენ გაიქცა, რომ დახმარება ეთხოვა. ამასობაში, ადგილზე მოსულმა უფროსებმა ხიზირის მიერ გადარჩენილი ბავშვის ამოყვანა მოახერხეს, თუმცა პატარა ხიზირი დინებამ გაიტაცა. მას მერე ბიჭუნას ათასობით ადამიანი ეძებს, უამრავი მოხალისე გაერთიანდა ამ საქმისთვის, თუმცა ჯერჯერობით უშედეგოდ.

რუსეთში მე-7 სართულიდან გადმოვარდნილი წლი-ნახევრის ბავშვი გამვლელებმა ქურთუკით დაიჭირეს და გადაარჩინეს - პატარა რეანიმაციაშია (ვიდეო)