ზაფხულის დღეები წარმოუდგენელია ცივი, მატონიზირებელი ყავის სასმელების გარეშე, რომელიც ყველას უყვარს. ცხელ ამინდებში კლასიკური ცხელი ესპრესო თუ კაპუჩინო ადგილს უთმობს გამაგრილებელ ალტერნატივებს. ყავისა და ნაყინის სინთეზი ნამდვილი საზაფხულო თავგადასავალია. თუ გრილ და სრულიად ახალ, განსხვავებულ გემოებს ეძებთ, ეს რეცეპტები “პალომასგან” სწორედ თქვენთვისაა!
„პალომას“ რჩეული ნაყინებითა და ახლად მოხარშული ესპრესოთი, თქვენ შეძლებთ სახლის პირობებშიც კი ნამდვილი პრემიუმ-კლასის კაფეს სასმელები შექმნათ.
გაიგეთ, როგორ მოამზადოთ ტრადიციული გლიასე, იტალიური აფოგატო და კიდევ რამდენიმე განსხვავებული, საინტერესო საზაფხულო კოქტეილი:
- კლასიკურიიტალიური„აფოგატო“ვანილისპლომბირით
აფოგატო იტალიურად „ჩაძირულს“ ნიშნავს და ის უფრო დესერტია, ვიდრე უბრალო სასმელი. აქ მთავარი კონტრასტია ყინულივით ცივი, კრემოვანი ნაყინი და ცხელი, მწარე ესპრესო.
- ინგრედიენტები:2 ბურთულა ნაყინი „პალომა“ (ტრადიციული ვანილის პლომბირი), 1 პორცია ცხელი ესპრესო (30-40 მლ), 1 ჩაის კოვზი დაქუცმაცებული ნუში ან თხილი.
- მომზადება:წინასწარ გაცივებულ პატარა ჭიქაში მოათავსეთ ვანილის პლომბირის ორი ბურთულა. უშუალოდ სუფრასთან მიტანის წინ, ნაყინს ზემოდან ნელა დაასხით ცხელი ესპრესო. დესერტს მომენტალურად მოაყარეთ დაჭრილი მოხალული ნუში ან თხილი. მიირთვით კოვზით, სანამ ნაყინი ბოლომდე არ გადნება.
- ფრანგულიყავა„გლიასე“კრემ-ბრულესარომატით
გლიასე კლასიკური ფრანგული სასმელია, სადაც ყავა წინასწარ არის გაცივებული, ნაყინი კი მის ზედაპირზე ნელა დნება და ჰაეროვან ქუდს ქმნის.
- ინგრედიენტები:150 მლ გაცივებული შავი ყავა (ამერიკანო ან ფილტრის ყავა), 1 დიდი ბურთულა ნაყინი „პალომა“ კრემ-ბრულე, 20 მლ კარამელის სიროფი, ყინულის კუბიკები.
- მომზადება:მაღალ შუშის ჭიქაში ჩააგდეთ რამდენიმე ყინულის კუბიკი და ჩაასხით კარამელის სიროფი. დაამატეთ წინასწარ მომზადებული და გაცივებული შავი ყავა. სასმელის ზედაპირზე ფრთხილად მოათავსეთ კრემ-ბრულეს ბურთულა. კრემ-ბრულეს დამწვარი შაქრისა და კარამელის ნოტები იდეალურად ერწყმის ცივ ყავას. მიირთვით საწრუპით.
- საზაფხულო„სტრაჩატელა-მოკა“შოკოლადისგურმანებისთვის
მათთვის, ვისაც ყავაში შოკოლადის ინტენსიური გემო უყვარს, ეს რეცეპტი ნამდვილი აღმოჩენა იქნება. აქ ვიყენებთ იტალიურ ნაყინს შოკოლადის ნატეხებით.
- ინგრედიენტები:1 პორცია ორმაგი ესპრესო (60 მლ), 2 ბურთულა ნაყინი „პალომა“ სტრაჩატელა, 50 მლ ცივი რძე, მუქი შოკოლადის ფანტელები დეკორისთვის.
- მომზადება:ბლენდერში მოათავსეთ ორმაგი ესპრესო, ცივი რძე და ნაყინი სტრაჩატელას ერთი ბურთულა. კარგად ათქვიფეთ ერთგვაროვანი, სქელი მასის მიღებამდე. გადაიტანეთ ჭიქაში, ხოლო ზემოდან მოათავსეთ სტრაჩატელას მეორე, მთლიანი ბურთულა. მოაყარეთ შოკოლადის თხელი გახეხილი ფანტელი. სასმელში არსებული ნაყინის შოკოლადის კრისტალები ყოველი ყლუპისას სასიამოვნო ტექსტურას ქმნის.
NS