64 წლის ქალმა შვილი და 4 შვილიშვილი მოწამლა და თავადაც თავი მოიკლა? - გახმაურებული საქმე და გამაოგნებელი ვერსიები - მშობლები
64 წლის ქალმა შვილი და 4 შვილიშვილი მოწამლა და თავადაც თავი მოიკლა? - გახმაურებული საქმე და გამაოგნებელი ვერსიები
აშშ-ში ერთ-ერთი ყველაზე შოკისმომგვრელი კრიმინალური შემთხვევის შესახებ საუბრობს ყველა. გამოძიება ჯერ არ დასრულებულა და პოლიციის ვერსიები საბოლოო დასკვნას არ წარმოადგენს, თუმცა ვერსიები და მიმართულება, როგორც მიდის ძიება, უკვე გამაოგნებელია.
ნიუ-იორკის შტატის ქალაქ მექანიკვილში პოლიციამ საცხოვრებელ სახლში ექვსი ადამიანის ცხედარი აღმოაჩინა:
- 64 წლის ბებია, ემი სტედმანი (Amy Steadman);
- მისი 44 წლის ქალიშვილი, სარა მაიერსი (Sarah Myers);
- სარას ოთხი მცირეწლოვანი შვილი.
მექანიქვილის პოლიცია ეჭვობს, რომ 64 წლის ქალმა საკუთარი ქალიშვილი და ოთხი შვილიშვილი მოკლა. ცხედრები სამშაბათს ბინაში აღმოაჩინეს მას შემდეგ, რაც შეშფოთებულმა მეზობლებმა განაცხადეს, რომ ოჯახი რამდენიმე დღის განმავლობაში არ უნახავთ.
გამომძიებლების განცხადებით, არსებობს მტკიცებულებები, რომ ოჯახის წევრებს შესაძლოა ჯერ მოწამლული საკვები ან სასმელი მიეღოთ; ამის შემდეგ რამდენიმე მათგანს დანით მრავლობითი ჭრილობები ჰქონდა მიყენებული; ბებია ასევე გარდაცვლილი იპოვეს და პოლიცია ვარაუდობს, რომ საქმე მკვლელობა-თვითმკვლელობასთან გვაქვს. სახლში აღმოჩენილია ხელნაწერი წერილიც, რომელიც, პოლიციის თქმით, მიანიშნებს, რომ ბებია შესაძლოა ტრაგედიაში მონაწილეობდა. წერილის სრული შინაარსი საჯაროდ არ გამოქვეყნებულა, რადგან ის მტკიცებულებად ითვლება.
ამ ეტაპზე გამოქვეყნებული ინფორმაციის მიხედვით: პოლიცია ელოდება ტოქსიკოლოგიური ექსპერტიზის პასუხებს, რათა დაადგინოს, ნამდვილად მოხდა თუ არა მოწამვლა და რა ნივთიერებით. ყველა გარდაცვლილს ჩაუტარდება სრული სასამართლო-სამედიცინო ექსპერტიზა. გამომძიებლების თქმით, ამ დროისთვის გარეშე პირის მონაწილეობაზე მტკიცებულება არ არსებობს.
რა ვერსიები განიხილება?
ამ დროისთვის ყველაზე ხშირად სახელდება შემდეგი ვერსიები:
- მკვლელობა-თვითმკვლელობა — ეს არის პოლიციის მთავარი სამუშაო ვერსია. მას საფუძვლად უდევს: ხელნაწერი წერილი; შემთხვევის ადგილი; ამ ეტაპზე სხვა ეჭვმიტანილის არარსებობა.
- წინასწარ დაგეგმილი მოწამვლა, რასაც შემდეგ დანით თავდასხმა მოჰყვა. პოლიცია სწორედ ამ თანმიმდევრობას იკვლევს, თუმცა საბოლოოდ ეს ჯერ დადასტურებული არ არის.
- ოჯახური კონფლიქტი. რამდენიმე მედიასაშუალება წერს, რომ ბავშვების მამას ცოტა ხნის წინ დროებითი (დაახლოებით ორთვიანი) მეურვეობა ჰქონდა მიღებული, რის გამოც ოჯახში დაძაბულობა შეიძლებოდა ყოფილიყო. თუმცა პოლიციას ეს ოფიციალურად მოტივად არ დაუდასტურებია. ეს მხოლოდ ერთ-ერთი შესაძლო გარემოებაა, რომელსაც გამომძიებლები ამოწმებენ.
„გამოძიების დროს შეგროვებული მტკიცებულებები, მათ შორის ხელნაწერი და სხვა ირიბი მტკიცებულებები, ადასტურებს, რომ ემი სტედმენი მისი საყვარელი ადამიანების სიკვდილშია დამნაშავე“, - განუცხადა ჟურნალისტებს მექანიქვილის პოლიციის უფროსმა უილიამ რაბიტმა...
საზოგადოება სულგანაბული ელოდება ძიების დასრულებას და ექსპერტიზის პასუხებს, რომელიც დაადგენს, რა მოხდა სინმადვილეში.
