საბჭოთა დიასახლისების მიერ ეკონომიისთვის მოფიქრებული 4 ხერხი, რომლებიც დღესაც აქტუალურია - ყველა მიხვდა, რომ ეს ძალიან ჭკვიანური იყო - მშობლები
საბჭოთა დიასახლისების მიერ ეკონომიისთვის მოფიქრებული 4 ხერხი, რომლებიც დღესაც აქტუალურია - ყველა მიხვდა, რომ ეს ძალიან ჭკვიანური იყო
„გაჭირვება მაჩვენე, გაქცევას გაჩვენებო“, — ეს გამოტქმა საქარტველოში ყოველთვის აქტუალური იყო. მათ შორის, საბჭოთა პერიოდშიც. იმ დროინდელი სასაქონლო დეფიციტი "დახლქვეშიდან" ვაჭრობას ჩვეულებრივ ყოველდღიურობად აქცევდა. იმპორტული ტანსაცმელი, საბაზისო ნივთები, ავეჯი და ავტომობილები ასარჩევად ნამდვილად არ ეწყო - ისინი უნდა "გეშოვა". შესაბამისად, საბჭოთა კავშირში მოქალაქეები განსაკუთრებულად უფრთხილდებოდნენ ყველაფერს, რაც ებადათ და ყოველდღიურობას შეძლებისდაგვარად იმსუბუქებდნენ. აღმოჩნდა, რომ ბევრ რამეს, რასაც მაშინ იძულებით აკეთებდნენ, დღეს აქტიურად იყენებენ ისინი, ვისაც ყველაფერი აქვს და არც არჩევანის პრობლემა გააჩნია.
მრავალჯერადი ჩანთები
მაგალითად, პარკების ნაცვლად მრავალჯერადი ჩანთები. ლამაზი ცელოფნის პარკები საბჭოთა კავშირში მიუწვდომელი ფუფუნება იყო. ყველას მტკიცე, მოქსოვილი "სეტკა" ჩანთები ეკავა, რომლებიც იმ წლების აბსოლუტურ ჰიტად იქცა. ამ ჩანთის გარეშე სახლიდან არცერთი დიასახლისი არ გადიოდა!
დროთა განმავლობაში ისინი განდევნა პოლიეთილენის პარკებმა. თუმცა, ბოლო წლებში მათი მოხმარების ტენდენცია მკვეთრად მცირდება. უკვე დამტკიცებულია, რომ ისინი უკიდურესად მავნებელნი არიან არა მხოლოდ გარემოსთვის, არამედ თავად ადამიანისთვისაც. სტატისტიკის მიხედვით, პლასტიკი ყოველწლიურად კლავს ერთ მილიონ ფრინველს, ას ათას საზღვაო ძუძუმწოვარსა და თევზების უთვალავ გუნდს!
ჩვენი პლანეტის გადასარჩენად, ბევრ ქვეყანაში სულ უფრო მეტად უჭერენ მხარს ეკოლოგიურ ცხოვრების წესს და მოუწოდებენ ადამიანებს, უარი თქვან ასეთ პარკებზე და ჩაანაცვლონ ისინი საბჭოთა წლებში პოპულარული მრავალჯერადი ბადე-ჩანთებით (ეგრეთ წოდებული "შოპერებით").
შუშის ტარის მეორადი სიცოცხლე
იმ წლების მომჭირნე მოქალაქეები არასოდეს ყრიდნენ რძის პროდუქტების შუშის ტარას. მას შემდეგ, რაც ყველაფერს დალევდნენ და შეჭამდნენ, რძის ბოთლებსა და არაჟნის ქილებს გულდასმით რეცხავდნენ და აბარებდნენ სპეციალურ მიმღებ პუნქტებში. შუშის გადაგდება უბრალოდ წარმოუდგენელი ჩანდა — ასეთი სიმდიდრის დაკარგვა არ შეიძლებოდა!
ჩვენს დროში სულ უფრო მეტი ადამიანი იწყებს გაცნობიერებულ მიდგომას ნაგვის დახარისხებისა და უტილიზაციისადმი. პლასტმასის ბოთლებს აბარებენ სპეციალურ კონტეინერებში, სადაც ამისთვის ხშირად ფასდაკლების კუპონების მიღებაც კი შეიძლება. შუშაც ბარდება, თუმცა უფრო ხშირად დიასახლისები მას დამოუკიდებლად ჩუქნიან მეორე სიცოცხლეს და სხვადასხვა პროდუქტის შესანახად იყენებენ.
ინდივიდუალური მკერავები და თვითნაკეთი სამოსი
საბჭოთა კავშირში სასურველი კაბის, ბლუზის ან ნებისმიერი სხვა ტანსაცმლის ყიდვა რთულ ამოცანად ითვლებოდა. ის, რაც მაღაზიებში იყიდებოდა, ერთფეროვანი იყო და არც ხარისხით გამოირჩეოდა, თუმცა ლამაზად და ელეგანტურად ჩაცმა ყველას უნდოდა! სწორედ მაშინ დაიწყეს ქალებმა თარგების გაცვლა, ყიდულობდნენ ქსოვილს და დამოუკიდებლად კერავდნენ ოცნების სამოსს. ხანდახან ზოგიერთი ისე კარგად ეუფლებოდა საკერავ მანქანასთან მუშაობას, რომ მათ ნაცნობების ნაცნობებიც კი მიმართავდნენ, ისინი კი სიხარულით უმზადებდნენ მათ გარდერობის სასურველ ელემენტებს.
მიუხედავად იმისა, რომ დღეს ტანსაცმლისა და აქსესუარების არჩევანის დეფიციტი არ არის, ბევრი კვლავ სარგებლობს მკერავების მომსახურებით, რათა სამოსი იდეალურად მოერგოს მის ტანსა და სტილს.
ბაღი ფანჯრის რაფაზე
აგარაკი საბჭოთა ადამიანისთვის ავტომობილისა და საკუთარი ბინის შემდეგ თითქმის მთავარი ოცნება იყო. ისინი, ვინც ახერხებდნენ გამხდარიყვნენ ქალაქგარეთა სახლისა და პირადი ნაკვეთის ბედნიერი მფლობელები, სამუშაო კვირის დასრულებისთანავე მიეშურებოდნენ იქითკენ, რათა ბოსტანი გაემარგლათ და მცენარეებისთვის მოევლოთ.
ვისაც ნაკვეთი არ ჰქონდა, საკუთარ აივანზე ან ფანჯრის რაფებზე მოაწყვეს მინი-ბაღები. ძირითადად მოჰყავდათ მწვანილი: ოხრახუში, კამა ან პიტნა, თუმცა იყვნენ ისეთებიც, ვინც ახერხებდა პომიდვრის, კიტრისა და ფორთოხლის მცირე მოსავლის აღებასაც კი.
მებაღეობის ეს ტენდენცია დღესაც ძალზედ პოპულარულია. ბევრი ზრდის სახლში ნატურალურ ბოსტნეულსა და ხილს, შემდეგ კი ბუნების ამ საჩუქრებს ახლობლებსა და მეგობრებს უზიარებს.
