განტვირთვის დღეები 3 მეთოდით წონის კლების ან შენარჩუნებისთვის - დაგეხმარებათ "გაყინული წონის" დაძვრაშიც - მშობლები

განტვირთვის დღეებს ორი ძირითადი დანიშნულება აქვს: წონის შენარჩუნება და კლების პროცესის სტიმულირება. პირველ შემთხვევაში, ეს მეთოდი იდეალურია უხვი კვების ან დღესასწაულების შემდეგ, რათა ახლად მომატებული კილოგრამები სხეულზე ცხიმის სახით არ დაფიქსირდეს. ამავე მიზნით, მისი გამოყენება კვირაში ერთხელ, რეგულარული თვითკონტროლისთვისაც შეიძლება, რათა მიღწეული ფორმა სტაბილურად შეინარჩუნოთ.

რაც შეეხება წონის კლებას, განტვირთვის დღე ეფექტურად მუშაობს როგორც დიეტის პერიოდში, ისე მისი დასრულების შემდეგ. უშუალოდ დიეტის პროცესში მისი ჩართვა საჭიროა მაშინ, როდესაც წონის კლება ჩერდება და დგება ე.წ. „პლატოს ეფექტი“ — ამ დროს მკვეთრი კალორიული დეფიციტი ნივთიერებათა ცვლას აფხიზლებს და კლების პროცესს ხელახლა ააქტიურებს. ხოლო დიეტის დასრულებისას, ის გამოიყენება როგორც დასკვნითი ეტაპი შედეგის დასაფიქსირებლად და ორგანიზმის საბოლოო დეტოქსისთვის.

მთავარია გვესმოდეს, რომ ერთ დღეში წონის კლება ხდება არა ცხიმოვანი მასის შემცირების, არამედ ორგანიზმიდან ზედმეტი სითხისა და ნაწლავებში დაგროვილი საკვები ნარჩენების გამოდევნის ხარჯზე. კონკრეტული პროდუქტის შერჩევა კი დამოკიდებულია როგორც პირად გემოვნებაზე, ისე სასურველ შედეგზე, რადგან სხვადასხვა პროდუქტით ერთ დღეში 1.5-დან 3.5 კილოგრამამდე დაკლებაა შესაძლებელი.

რა სარგებელი მოაქვს განტვირთვის დღეებს წონის კლებისთვის?

განტვირთვის მეთოდიკის არჩევისას უფრო მეტად საკუთარ გემოვნებას უნდა დაეყრდნოთ: თუ არ გიყვართ კეფირი — „დაჯექით“ წიწიბურაზე, თუ დღე არ შეგიძლიათ ბოსტნეულის გარეშე — აირჩიეთ განტვირთვის დღე კიტრით და ა.შ.

გარდა ამისა, შეგიძლიათ ამოხვიდეთ სასურველი შედეგიდანაც — თუ, მაგალითად, გჭირდებათ მომატებული კილოგრამების მაქსიმალური რაოდენობის დაკლება, სჯობს აირჩიოთ განტვირთვა კიტრით ან ვაშლით.

თუმცა, ძალიან მნიშვნელოვანია გვესმოდეს: განტვირთვის დღის დახმარებით წონის კლება ხდება არა ცხიმის წვის ხარჯზე, არამედ თითქმის 95%-ით — ზედმეტი სითხისა და დაგროვილი „საკვები ნარჩენებისგან“ (ნივთიერებათა დაშლის პროდუქტები, ტოქსინები, ნაწლავებში დაგროვილი მოუნელებელი საკვები და ა.შ.) ორგანიზმის გათავისუფლების ხარჯზე.

1. განტვირთვის დღე კიტრით — მინუს 3.5 კგ

კიტრის პოპულარობა ამ ბოსტნეულის ორ უნიკალურ თვისებაზეა დაფუძნებული: პირველი — ის შეიცავს მიზერული რაოდენობის კალორიებს. თუმცა, რაც ყველაზე ღირებულია მათთვის, ვისაც გახდომა სურს — კიტრი შეიცავს ტარტრონის მჟავას. ეს არის ნივთიერება, რომელიც მნიშვნელოვნად ანელებს ნახშირწყლების ცხიმებად გარდაქმნის პროცესს. იმის გათვალისწინებით, რომ კიტრით შესაძლებელია 3.5 კგ-მდე დაკლება, განტვირთვისა და დეტოქსის ამ სახეობას თამამად შეიძლება ვუწოდოთ ყველაზე ეფექტური.

• კიტრის განტვირთვის დღე კალორიულობით ყველაზე დაბალია, ხშირად დღიური ნორმა ძლივს აღწევს 300 კალორიას. ამიტომ, სჯობს ეს დღე გაატაროთ სახლში, განსაკუთრებული ფიზიკური და გონებრივი დატვირთვის გარეშე.

• 1.5 კგ ახალი, მკვრივი კიტრი გადაანაწილეთ 5-6 მიღებაზე. მიირთვით მარილის, სოუსებისა და სანელებლების გარეშე. ნებადართულია დღის განმავლობაში დაამატოთ 1-2 სუფრის კოვზი ქატო და 2 ცალი კვერცხი.

2. განტვირთვის დღე ვაშლით — მინუს 3 კგ

ევროპელმა მიკრობიოლოგებმა დაამტკიცეს, რომ ვაშლის ხშირი მოხმარება ხელს უწყობს ნაწლავებში განსაკუთრებული სახეობის ბაქტერიების გამრავლებას, რომლებიც ხელს უშლიან ლპობის პროცესებს და ხელს უწყობენ საკვების უკეთ ათვისებას. შესაბამისად, არ ხდება ე.წ. „საკვები ნარჩენების“ წარმოქმნა, რაც ზედმეტი წონის პირდაპირი პროფილაქტიკაა. ხოლო ამერიკელი მეცნიერები ექსპერიმენტების შედეგად მივიდნენ დასკვნამდე, რომ ის ქალები, რომლებიც დღეში 3 ვაშლს ჭამენ (ძირითადი დიეტის მიღმა), უფრო სწრაფად იკლებენ წონაში, ვიდრე ისინი, ვინც უგულებელყოფს ამ ხილს ყოველდღიურ კვებაში.

ბევრი პროფესიონალი დიეტოლოგი გვირჩევს, რომ ვაშლის განტვირთვის დღის ფარგლებში, ახალ ხილთან ერთად, მიირთვათ გამომცხვარი ვაშლიც.

• ვაშლი ორგანიზმს არა მხოლოდ რკინითა და ვიტამინებით ამდიდრებს, არამედ ხელს უწყობს „ცუდი“ ქოლესტერინის დონის შემცირებას. გარდა ამისა, ფლავონოიდები კვერცეტინი და ნარინგინი, რომლებსაც ვაშლი ჭარბად შეიცავს, იცავს ფილტვის უჯრედებს. ვაშლის განტვირთვის მინუსად შეიძლება ჩაითვალოს მისი თვისება — გააძლიეროს მადა.

• განტვირთვის დღისთვის მოიმარაგეთ 1.5 კგ მჟავე ან ნეიტრალური ჯიშის ვაშლი (მაგრამ არა ტკბილი!). მთელი დღის განმავლობაში გამოიყენეთ ცნობილი ფორმულა: თუ გშიათ — შეჭამეთ ვაშლი, თუ ვაშლი არ გინდათ — ესე იგი, არ გშიათ. ხილის გარდა, დღეში აუცილებელია 1.5 ლიტრი სუფთა, უგაზო წყლის დალევა.

3. განტვირთვის დღე კეფირით — მინუს 2 კგ

განტვირთვისა და დეტოქსის ეს სახეობა ერთ-ერთი ყველაზე პოპულარულია. ალბათ ყველა ქალს ცხოვრებაში ერთხელ მაინც გაუტარებია ერთი-ორი დღე კეფირზე. ეს რძემჟავა პროდუქტი საშუალებას იძლევა დაიკლოთ საშუალოდ 2 კგ ზედმეტი წონა. არეგულირებს ნაწლავების მუშაობას (მათ შორის, აქვს მსუბუქი საფაღარათო ეფექტი).

• ვინაიდან კეფირი თავად არის სითხე, ამ განტვირთვის დღეს არ არის აუცილებელი ყველა დიეტისთვის სავალდებულო „ჯადოსნური“ 8 ჭიქა წყლის დალევა. სრულიად საკმარისია შემოიფარგლოთ 0.5 ლიტრი უგაზო მინერალური წყლით.

• ეფირი ძალიან სასარგებლო პროდუქტია არა მხოლოდ გახდომის, არამედ ჯანმრთელობის თვალსაზრისითაც. ის არეგულირებს წნევას, აუმჯობესებს ნაწლავის მიკროფლორას და ხშირად რეკომენდებულია ექიმების მიერ სხვადასხვა დაავადებების პრევენციისთვის. მინუსად შეიძლება ჩაითვალოს მხოლოდ მისი საფაღარათო თვისება, რის გამოც ამ დღეს ჯობია არ დაგეგმოთ საქმიანი შეხვედრები და შორეული მგზავრობა.

• 1-1.5 ლიტრი უცხიმო კეფირი (არაუმეტეს 1%-იანი) დალიეთ 5-6 მიღებაზე დღის განმავლობაში — დაახლოებით ყოველ 2-3 საათში ერთხელ.

4. განტვირთვის დღე წიწიბურით — მინუს 1.5 კგ

წიწიბურა შეიცავს უამრავ სასარგებლო ვიტამინსა და მიკროელემენტს. ასე რომ, წიწიბურას განტვირთვის დღე სასიამოვნო გამონაკლისია იმ წესიდან, რომ ნებისმიერი მონო-კვება, თუნდაც ერთდღიანი, ყოველთვის ორგანიზმისთვის აუცილებელი ნივთიერებების საშინელი დისბალანსია. წიწიბურას შემთხვევაში ეს დისბალანსი არც ისე საგანგაშოა.

• წიწიბურას განტვირთვის მთავარი თავისებურება პროდუქტის მომზადების წესშია. ბურღული არავითარ შემთხვევაში არ უნდა მოხარშოთ — მხოლოდ უნდა ჩათუთქოთ! მაგალითად, საღამოს ერთ წილ წიწიბურას დაასხით ორი წილი მდუღარე წყალი და დატოვეთ დილამდე გასაფუებლად.

• წიწიბურა, როგორც „ნელი ნახშირწყალი“, შესანიშნავად ანაყრებს, მაგრამ ამავდროულად არ ზრდის სისხლში შაქრის დონეს — ანუ თქვენ დიდხანს იგრძნობთ სიმაძღრეს. მინუსებს რაც შეეხება, კლების თვალსაზრისით შედეგი არ არის ძალიან შთამბეჭდავი — დღეში 1.5 კგ-ზე მეტი ნაკლებად სავარაუდოა, რომ დაიკლოთ.

• თეორიულად შეგიძლიათ მიირთვათ იმდენი წიწიბურა, რამდენიც „ჩაგეტევათ“. მაგრამ ვინაიდან ის უნდა იყოს მარილის, კარაქის, რძის, სოუსებისა და ყოველგვარი სანელებლების გარეშე — მერწმუნეთ, ბევრს ვერ შეჭამთ. სასურველია მიირთვათ 1 ფინჯანი წიწიბურა ყოველ 2-3 საათში ერთხელ. გარდა ამისა, დღის განმავლობაში უნდა დალიოთ დაახლოებით 2 ლიტრი სუფთა, უგაზო წყალი.

ჭამ და იკლებ - 10 საკვები, რომლებიც კალორიებს წვავს და დიეტის გარეშეც ამცირებს წონას