ქეთა თოფურია საქართველოში ქმარ-შვილთან ერთად ჩამოვიდა მეგობრის ქორწილისთვის - გრანდიოზული ქორწილი კახეთში, ვარსკვლავური სტუმრებით (ვიდეო) - მშობლები

სოციალურ ქსელში მორიგი გრანდიოზული ქორწილის კადრები ვრცელდება, ცნობილი სტუმრებით. კახეთში, წინანდალში, დიზაინერმა ნუცა ბერიძემ გადაიხადა ქორწილი ულამაზესი დეკორაციებით და ცნობილი მუსიკოსების სიმღერებით. ნუცას და მისი რჩეულის, ნიკას ქორწილში სტუმრების მუსიკალურ განწყობაზე ზრუნავდნენ სალიო (სალომე კორკოტაშვილი), დათო ხუჯაძე და რუსეთიდან სპეციალურად ქორწილისთვის ჩამოსული ქეთა თოფურია, რომელმაც ჯგუფ "სახეს" ჰიტი მის ძველ წევრებთან ერთად შეასრულა.

ქეთა ნუცას ბავშვობის მეგობარია და ნუცას რუსეთში საქმიანობის წლებშიც ისინი ძალიან მეგობრობდნენ.

ამიტომ არავის გაკვირვებია ქორწილში ქეთას გამოჩენა, რომელსაც მეუღლე - ლევ დენგოვი და უმცროსი ქალიშვილი ნიკოლი ახლდა.

ქორწილს ასევე სტუმრობდნენ ჯაბა ქარსელაძე, ბიჭოლა, მოდელი მიმი შელია, რომელიც ასევე საგანგებოდ ჩამოვიდა ამ ორდღიანი დღესასწაულისთვის.