მეძავებივით ეპყრობოდა და ხანდაზმულ მამაკაცებს აცნობდა - გავლენიანი სამოდელო სააგენტოს ყოფილ ხელმძღვანელს გაუპატიურებებსა და ადამიანებით ვაჭრობაში ადანაშაულებენ - მშობლები
მეძავებივით ეპყრობოდა და ხანდაზმულ მამაკაცებს აცნობდა - გავლენიანი სამოდელო სააგენტოს ყოფილ ხელმძღვანელს გაუპატიურებებსა და ადამიანებით ვაჭრობაში ადანაშაულებენ
ექვსმა მოდელმა ცნობილი სამოდელო სააგენტოს, Elite Model Management-ის ევროპული განყოფილების ყოფილი ხელმძღვანელი, ჟერალდ მარი, 1980-იან და 1990-იან წლებს შორის გაუპატიურებასა და ადამიანებით ვაჭრობაში დაადანაშაულა. ქალების თქმით, მარი „ათრობდა“ მათ და შემდეგ აუპატიურებდა. Le Monde-ის ცნობით, ის ასევე მასპინძლობდა წვეულებებს, სადაც მოდელებს მდიდარ ხანდაზმულ მამაკაცებს აცნობდა.
„მარი, რომელიც მაშინ პარიზში მსხვილი წარმომადგენლობის მქონე საერთაშორისო სამოდელო სააგენტოს ხელმძღვანელი იყო, რამდენიმე ათწლეულის განმავლობაში იყენებდა თავის ავტორიტეტს, გავლენას და ძალაუფლებას, რათა მრავალი ახალგაზრდა ქალისთვის, რომელთაგან ზოგიერთი არასრულწლოვანი იყო, სექსუალური ურთიერთობები ეიძულებინა“, - ნათქვამია სარჩელში.
გოგონების ჩვენების თანახმად, მარი მათ შეხვედრებზე იწვევდა, შემდეგ ათრობდა და ელოდა, როდის დაკარგავდნენ გონებას, შემდეგ სარგებლობდა მათი უმწეობით. სამოდელო სააგენტოს ხელმძღვანელის მიერ რეგულარულად ორგანიზებულ წვეულებებზე ის გოგონებს თავის გავლენიან ნაცნობებს ახვედრებდა.
მარის ადვოკატმა, სელინ ბეკერმანმა, უკვე გააკეთა კომენტარი ამ ბრალდებებზე: „აბსოლუტურად არ არსებობს საფუძველი, რომ სასამართლოს მოვუწოდოთ საქმის ხელახლა გახსნა, რომელიც უკვე დახურულია, სავარაუდო მოვლენებიდან თითქმის 40 წლის შემდეგ“.
ეს მარის პირველი სასამართლო პროცესი არ არის. 2020 წლიდან მოყოლებული, ათზე მეტმა მოდელმა შეიტანა ბრალდება სამოდელო სააგენტოს ხელმძღვანელის წინააღმდეგ, მაგრამ ყველა საქმე შეწყდა ხანდაზმულობის ვადის გასვლის გამო. დაზარალებულები ახლა სარჩელებს შეიტანენ თავიანთი მოთხოვნების მოსასმენად, მიუხედავად ხანდაზმულობის ვადისა, ბრალდებების სიმრავლის გამო.
შეგახსენებთ, რომ Elite Model Management მსოფლიოში ერთ-ერთი ყველაზე გავლენიანი სამოდელო სააგენტოა, რომლის კონტრაქტებმა სხვადასხვა დროს პოპულარობა მოუტანა სინდი კროუფორდს, ტატიანა პატიცს, ჟიზელ ბუნდჰენს, ალესანდრა ამბროსიოს, ნაომი კემპბელს, პოლინა პორიზკოვას და სხვა ცნობილ მოდელებს.
1987 წლიდან 1993 წლამდე მარი დაქორწინებული იყო მოდელ ლინდა ევანგელისტაზე.
სამოდელო სააგენტოს დირექტორის წინააღმდეგ ბრალდებების საჯაროდ გახმაურების შემდეგ, ევანგელისტამ განაცხადა, რომ მან ძალადობის შესახებ არაფერი იცოდა და ახლა მზადაა, მსხვერპლებს მხარი დაუჭიროს. ევანგელისტას მეგობარმა, მოდელმა კერი ოტისმა, ერთ-ერთმა იმ მცირერიცხოვან ადამიანთაგანმა, ვინც მარის საჯაროდ დასდო ბრალი, ადრე გაამხილა, რომ Elite Model Management-ის დირექტორმა ის გააუპატიურა სახლში, სადაც ევანგელისტასთან ერთად ცხოვრობდა, როდესაც მოდელი მივლინებით იმყოფებოდა.
