10 წიგნი ინგლისურ ენაზე, რომელიც ამ ზაფხულს უნდა გადაფურცლო - მშობლები
10 წიგნი ინგლისურ ენაზე, რომელიც ამ ზაფხულს უნდა გადაფურცლო
ზაფხულის ცხელი დღეები იდეალური დროა ახალი გამოწვევებისა და კითხვისგან განსაკუთრებული სიამოვნების მისაღებად. თუ გსურთ, ეს სეზონი კიდევ უფრო პროდუქტიული გახადოთ, წიგნების ორიგინალ ენაზე წაკითხვა საუკეთესო არჩევანია.
თარგმანში ხშირად იკარგება ავტორისათვის დამახასიათებელი უნიკალური ენა, იუმორი, სიტყვების თამაში და ის ემოციური ნიუანსები, რომლებიც მხოლოდ ორიგინალ ტექსტში ცოცხლობს. ამასთანავე, ინგლისურენოვანი წიგნების კითხვა საუკეთესო გზაა ენობრივი ბარიერის დასაძლევად, ლექსიკის გასამდიდრებლად და თანამედროვე ენობრივი კონტექსტის შესაგრძნობად.
თუ არ იცით, საიდან დაიწყოთ, „ბიბლუსი“ გთავაზობთ 10 რომანს, როგორც ორიგინალ ტექსტებს, ისე სპეციალურად ენის შემსწავლელთათვის ადაპტირებულ გამოცემებს:
- 10 ინგლისურენოვანი წიგნი საზაფხულო საკითხავისთვის
1.John Grisham — The Pelican Brief
იურიდიული თრილერების ოსტატის, ჯონ გრიშემის ერთ-ერთი ყველაზე ცნობილი და დაძაბულირომანი. ორი უზენაესი სასამართლოს მოსამართლის საიდუმლოებით მოცული მკვლელობის შემდეგ, ახალგაზრდა სამართლის სტუდენტი საშიშ შეთქმულებას ახდის ფარდას, რაც მას უდიდესი საფრთხის წინაშე აყენებს.
2.Dolly Alderton — Good Material
ბესტსელერების ავტორისგან მახვილგონივრული, იუმორითა და ემოციებით სავსე ამბავი სიყვარულის დასასრულზე, გულისტკენასა და მეგობრობაზე.რომანიგვიყვება ენდისა და ჯენის ურთიერთობის შესახებ, სადაც ყოველ ისტორიას ორი მხარე და საკუთარი სიმართლე აქვს.
3.Bernardine Evaristo — Girl, Woman, Other
ბუკერის პრემიის მფლობელირომანი, რომელიც 12 სრულიად განსხვავებული ადამიანის (ძირითადად შავკანიანი ბრიტანელი ქალების) ცხოვრებასა და ბედისწერას აერთიანებს. ეს არის თანამედროვე ბრიტანეთის ცოცხალი, დინამიკური და უაღრესად შთამბეჭდავი პორტრეტი.
ღრმა და შთამბეჭდავირომანი, სადაც პარალელურად ვადევნებთ თვალს ორ ისტორიას: ერთი მხრივ, პატარა ქალაქში მცხოვრები ქალის ბრძოლას მძიმე სენთან, ხოლო მეორე მხრივ საპნის პატარა საოჯახო ბიზნესის ტრანსფორმაციას გლობალურ, ძლიერ კორპორაციად.
5.The Extraordinary Life of Malala Yousafzai
მალალა იუსაფზაის შთამაგონებელი ბიოგრაფიაა, სპეციალურად ადაპტირებული ენის შემსწავლელთათვის.წიგნიმოგვითხრობს პაკისტანელი გოგონას შესახებ, რომელიც თალიბანის თავდასხმას გადაურჩა და განათლების უფლებისთვის ბრძოლის სიმბოლოდ იქცა.
6.Charlotte Bronte - Jane Eyre
შარლოტა ბრონტეს საუკუნოვანიკლასიკაგამორჩეული, მდიდრული ვინტაჟური სერიის გამოცემით. ობოლი ჯენ ერის დამოუკიდებლობისაკენ სწრაფვა, თორნფილდის საიდუმლოებები და ბრძოლა სიყვარულსა და ღირსებას შორის დღემდე აღაფრთოვანებს მკითხველს.
7.Edgar Allan Poe — The Fall of the House of Usher and Other Stories
ედგარ ალან პოს საკულტო, მისტიკური და საზარელიმოთხრობების სრული კრებული. წიგნში შესულია ისეთი ცნობილი ნაწარმოებები, როგორებიცაა „ორმო და ქანქარა“ და „აშერების სახლის დაქცევა“. იდეალურია მათთვის, ვისაც დაძაბული და საიდუმლოებით მოცული პროზა ხიბლავს.
ბრემ სტოკერის ლეგენდარული გოთიკურირომანიადაპტირებული სახით (A2 დონე). ჯონათან ჰარკერი ტრანსილვანიაში გრაფ დრაკულას ეწვევა, საიდანაც იწყება საზარელი და უცნაური მოვლენების ჯაჭვი. წიგნს თან ახლავს ილუსტრაციები და ენობრივი სავარჯიშოები.
ჯორჯ ორუელის გენიალური ალეგორიულიიგავიადაპტირებულ ფორმატში (A2 დონე). ფერმის ცხოველები აჯანყდებიან პატრონის წინააღმდეგ, თუმცა მალევე ძალაუფლებას ღორები იგდებენ ხელთ და ცხოვრება კიდევ უფრო მძიმე ხდება.
ჯეიმზ ჯოისის ცნობილიმოთხრობების კრებული(B1+ დონე). ავტორი ოსტატურად აღწერს XIX-XX საუკუნეების მიჯნის დუბლინელების ყოველდღიურ ცხოვრებას, მათ დარდს, ოჯახურ პრობლემებსა და შინაგან სულიერ კრიზისებს.
„ბიბლუსი“ მთელი ზაფხულის განმავლობაში შემოგთავაზებთ სეზონურ ფასდაკლებებს და საკითხავს, რომელიც თქვენს დასვენების დღეებს უფრო საინტერესოს, სასიამოვნოს და ნაყოფიერს გახდის. აირჩიეთ თქვენი ფავორიტი ინგლისურენოვანი წიგნი და ისიამოვნეთ კითხვით!
R