რა სარგებლობა აქვს ქინოას და როგორ გვეხმარება წონის კლების დროს - 5 ცილოვანი სალათი ქინოათი - მშობლები

1. ქინოა, ქათმის ფილე და ავოკადო

ინგრედიენტები:

• 80 გ მოხარშული ქინოა
• 120-150 გ გრილზე შემწვარი ქათმის ფილე
• ნახევარი ავოკადო
• 1 პატარა კიტრი
• სალათის ფოთლები
• ოხრახუში
• 1 ჩაის კოვზი ზეითუნის ზეთი
• ლიმონის წვენი
• მარილი და შავი პილპილი

მომზადება:

მოხარშული ქინოა გააციეთ. ქათმის ფილე დაჭერით საშუალო ზომის კუბებად, ავოკადო და კიტრიც დაჭერით. ყველა ინგრედიენტი სალათის ფოთლებთან და დაჭრილ ოხრახუშთან ერთად აურიეთ. მოასხით ზეითუნის ზეთი და ლიმონის წვენი, მოაყარეთ ცოტა მარილი და შავი პილპილი და მსუბუქად გადაურიეთ.

რატომ არის კარგი?

ქათმის ფილე და ქინოა მაღალი ხარისხის ცილას შეიცავს, ხოლო ავოკადოს ჯანსაღი ცხიმები დანაყრების შეგრძნებას ახანგრძლივებს.

2. ქინოა, თინუსი და კვერცხი

ინგრედიენტები:

• 80 გ მოხარშული ქინოა
• 1 ქილა თინუსი საკუთარ წვენში
• 1 მოხარშული კვერცხი
• 1 პომიდორი
• 1 პატარა კიტრი
• ცოტა წითელი ხახვი
• 1 ჩაის კოვზი ზეითუნის ზეთი
• ლიმონის წვენი
• მარილი და შავი პილპილი

მომზადება:

თინუსს გადაუწურეთ სითხე. კვერცხი, პომიდორი და კიტრი დაჭერით, დაუმატეთ მოხარშული ქინოა და თინუსი. ბოლოს მოასხით ზეითუნის ზეთი და ლიმონის წვენი, სურვილისამებრ მოაყარეთ შავი პილპილი და მსუბუქად აურიეთ.

რატომ არის კარგი?

თინუსისა და კვერცხის წყალობით ეს სალათი 30-40 გრამამდე ცილას შეიცავს და სადილისთვის იდეალურია.

3. ქინოა, ხაჭო და მწვანილი

ინგრედიენტები:

• 80 გ მოხარშული ქინოა
• 150 გ უცხიმო ხაჭო
• 1 პატარა კიტრი
• კამა
• ოხრახუში
• 1 პატარა კბილი ნიორი
• მარილი
• შავი პილპილი

მომზადება:

ქინოა გააციეთ. ხაჭოს დაუმატეთ წვრილად დაჭრილი კიტრი, მწვანილი და გახეხილი ნიორი. შეურიეთ ქინოა, მოაყარეთ მარილი და შავი პილპილი და კარგად გადაურიეთ. სურვილის შემთხვევაში შეგიძლიათ რამდენიმე წვეთი ლიმონის წვენიც დაუმატოთ.

რატომ არის კარგი?

ხაჭო ერთ-ერთი ყველაზე ცილოვანი პროდუქტია, ხოლო ქინოა ბოჭკოსა და დამატებით ცილას მატებს.

4. ქინოა, კალმახი და ბოსტნეული

ინგრედიენტები:

• 80 გ მოხარშული ქინოა
• 100-120 გ მოხარშული ან შებოლილი კალმახი
• სალათის ფოთლები
• 1 პატარა კიტრი
• 6-7 ჩერი პომიდორი
• 1 ჩაის კოვზი ზეითუნის ზეთი
• ლიმონის წვენი
• მარილი და შავი პილპილი

მომზადება:

კალმახი გაანაწილეთ პატარა ნაჭრებად. ქინოა, ბოსტნეული და სალათის ფოთლები ერთმანეთში აურიეთ, დაუმატეთ თევზი, მოასხით ზეითუნის ზეთი და ლიმონის წვენი. მსუბუქად გადაურიეთ, რათა თევზი არ დაიშალოს.

რატომ არის კარგი?

კალმახი მდიდარია ცილებითა და ომეგა-3 ცხიმოვანი მჟავებით, რაც ამ სალათს განსაკუთრებით სასარგებლოს ხდის.

5. ქინოა, ინდაური და ბერძნული იოგურტის სოუსი

ინგრედიენტები:

• 80 გ მოხარშული ქინოა
• 120-150 გ მოხარშული ან გრილზე მომზადებული ინდაურის ფილე
• სალათის ფოთლები
• 1 პატარა კიტრი
• ნახევარი ბულგარული წიწაკა

სოუსისთვის:

• 2 სუფრის კოვზი ბერძნული იოგურტი
• 1 პატარა კბილი ნიორი
• კამა
• ლიმონის წვენი
• ცოტა მარილი

მომზადება:

ინდაური დაჭერით თხელ ნაჭრებად. სალათის ფოთლები, ქინოა, კიტრი და ბულგარული წიწაკა ერთმანეთში აურიეთ. ცალკე მოამზადეთ სოუსი – ბერძნულ იოგურტს შეურიეთ გახეხილი ნიორი, დაჭრილი კამა, ლიმონის წვენი და ცოტა მარილი. სოუსი მოასხით სალათს, დაუმატეთ ინდაური და ფრთხილად გადაურიეთ.

რატომ არის კარგი?

ინდაურის ფილე ძალიან მჭლე და ცილებით მდიდარი ხორცია, ხოლო ბერძნული იოგურტის სოუსი მაიონეზის ბევრად ჯანსაღი ალტერნატივაა.

ეს სალათები შეიცავს ბევრ ცილას, ბოჭკოს და ხელს უწყობს ხანგრძლივ დანაყრებას, რაც წონაში კლების პერიოდში განსაკუთრებით მნიშვნელოვანია.