"პატარაობიდანვე ვოცნებობდი ზღაპრულ ქორწილზე... მადლიერი ვარ, რომ გავიზარდე ოჯახში, სადაც ყოველთვის პრინცესასავით მექცეოდნენ" - კახა თარგამაძის ქალიშვილი გახმაურებულ ქორწილზე წერს და ცნობილ მამასთან ერთად ფოტოებს აქვეყნებს - მშობლები

ამ ქორწილზე ყველა ლაპარაკობდა. ჩვენს ქვეყანაში ბოლო დროის ერთ-ერთი ყველაზე გრანდიოზული ქორწილი იყო, რომელიც ბათუმში შედგა და უამრავი ცნობილი ადამიანი ესწრებოდა. ყოფილი შს მინისტრის, ე.წ. "რკინის კაცის" კახა თარგამაძის შვილი სალომე თარგამაძე დაქორწინდა თავის რჩეულზე, ბიზნესმენ ედნარ პაპუნაიშვილის ვაჟ გიგაზე, რომელიც ბერა ივანიშვილის მეგობარია და ბერა იყო მისი მეჯვარე.

საქორწილო ვნებები ოდნავ ჩაცხრა და სალომემ მამასთან ერთად გამოაქვეყნა ფოტოები, ქორწილის შესახებ კი დაწერა:

"პატარაობიდანვე ვოცნებობდი ზღაპრულ ქორწილზე: ტრადიციული ცერემონია ულამაზეს ტაძარში, გარშემორტყმული სიყვარულით, რწმენით და იმ ადამიანებით, ვინც ჩემთვის ყველაზე ძვირფასია. ჩვენი ქორწილის დღეს ეს ოცნება იმაზე ლამაზი გახდა, ვიდრე ოდესმე წარმომედგინა.

ყველა ყვავილი, ყველა სანთელი, ყველა დეტალი, ყველა მომენტი ძალიან გააზრებულად იყო დაგეგმილი და უნაკლოდ განახორციელა ჩემმა წარმოუდგენელმა მეუღლემ და მისმა მშვენიერმა ოჯახმა. მე მადლიერი ვარ, რომ გავიზარდე ოჯახში, სადაც ყოველთვის პრინცესასავით მექცეოდნენ. ჩემმა მშობლებმა ჩემი ოცნებები აახდინეს, სიყვარულით, ზრუნვითა და მხარდაჭერით ვიყავი გარემოცული. როდესაც ამ ახალ თავს ვიწყებდი, ჩემი უდიდესი იმედი იყო, რომ იგივე სითბო მეპოვა იმ ოჯახში, რომელშიც შევდიოდი და თავიდანვე ჩემი ქმრის ოჯახმა იგივე სიყვარულით, კეთილშობილებითა და სიკეთით მიმიღო. ამისთვის სამუდამოდ მადლიერი ვიქნები.

ამბობენ, რომ პატარა გოგონები ქორწილის დღეს ოცნებობენ. რასაც ისინი არ გეუბნებიან, არის ის, რომ ყველაზე დიდი წყალობა არ არის კაბა, ყვავილები ან ლამაზი გარემო, არამედ ის, რომ იპოვო ადამიანი, რომელიც ყოველდღე გაგრძნობინებს თავს ძვირფასად და ოჯახი, რომელიც შენს ოჯახად გთვლის.ეს არ იყო უბრალოდ ჩემი ცხოვრების ყველაზე ბედნიერი დღე. ეს იყო დღე, როდესაც ჩემი ოცნება რეალობად იქცა და ჩემი ზღაპარი სამუდამო გახდა".

იხილეთ მეტი ქორწილზე:

გრანდიოზული ქორწილი ბათუმში, რომელშიც ბერა ივანიშვილია მეჯვარე, რიკი ე პოვერი აფორმებს მუსიკალურად და ბევრი ცნობილი სახე ესწრება