ალენ დელონის სამი ოფიციალური შვილი კვლავ იბრძვის მამის მემკვიდრეობისთვის - შვილების კონფლიქტი გამწვავდა - მშობლები

ანდერძი, რომელზეც არის საუბარი, დელონმა 2022 წელს დაწერა. გავრცელებული ინფორმაციით, მან ამ დოკუმენტში ქალიშვილ ანუშკას განსაკუთრებული უფლებები დაუტოვა, მათ შორის მისი შემოქმედებისა და იმიჯის გამოყენებასთან დაკავშირებული უფლებების კონტროლი. უმცროსი ვაჟი ალენ-ფაბიენი ამტკიცებს, რომ ანდერძის შედგენის დროს მამას შესაძლოა უკვე აღარ ჰქონოდა სრულად გაცნობიერებული გადაწყვეტილების მიღების უნარი.

საფრანგეთის მემკვიდრეობის სამართალში შვილებს აქვთ დაცული სავალდებულო წილი. დავა უფრო მეტად ეხება იმას, რა დამატებითი უფლებები და ქონება უნდა დარჩეს ანუშკას, რამდენად მოქმედია 2022 წლის ანდერძი და როგორ უნდა განაწილდეს კონკრეტული აქტივები.

ჩვეულებრივი ქონება: 50% / 25% / 25%

დელონის 2015 წლის ანდერძის მიხედვით, მატერიალური მემკვიდრეობა ასე ნაწილდება:

• ანუშკა დელონი — 50%
• ენტონი დელონი — 25%
• ალან ფაბიენ დელონი — 25%

ეს განაწილება საფრანგეთის კანონმდებლობას ერგება, რადგან სამივე შვილი მემკვიდრეობის დაცულ წილს იღებს.

დელონის ქონება, სხვადასხვა წყაროში, დაახლოებით 50 მილიონ ევროდ ან მეტად არის შეფასებული, თუმცა ზუსტი საბოლოო თანხა საჯაროდ დადგენილი არ არის. ასევე მნიშვნელოვანი ნაწილია გადასახადები — მემკვიდრეობის გადასახადი ძალიან მაღალია.

დელონის ცნობილი მამული Douchy-ში, ლუარეში, სადაც მან სიცოცხლის ბოლო წლები გაატარა და სადაც დაკრძალეს, მემკვიდრეობის ერთ-ერთი ყველაზე სიმბოლური ნაწილია და დავა მასზეც მიმდინარეობს.

აქ საინტერესოა, რომ პრობლემა მხოლოდ „ვის ეკუთვნის სახლი?“ არ არის. მამული დაკავშირებულია:

• დელონის პირად არქივთან;
• მის ნივთებთან და ხელოვნების კოლექციასთან;
• მისი სახელისა და მემკვიდრეობის კომერციულ გამოყენებასთან;
• და, რაც მთავარია, შვილებს შორის მამის ბოლო წლების შესახებ სრულიად განსხვავებულ წარმოდგენებთან.

მაგრამ ყველაზე საინტერესოა დელონის იმიჯი და ფილმები. 2022 წლის ნოემბერში დელონმა ჟენევაში ხელი მოაწერა მეორე, ბევრად უფრო სპეციფიკურ ანდერძს, რომელიც ჩვეულებრივ ქონებას კი არ ეხება, არამედ მის მორალურ უფლებებსა და შემოქმედებით მემკვიდრეობას. ამ დოკუმენტის მიხედვით, ანუშკა ხდება მამის მხატვრული და პიროვნული მემკვიდრეობის ერთადერთი მმართველი — ანუ პრაქტიკულად მას ენიჭება გადამწყვეტი სიტყვა დელონის:

• სახელის;
• გამოსახულების;
• ფილმებთან დაკავშირებული მემკვიდრეობის;
• დოკუმენტური ფილმების;
• გამოფენების;
• და სხვა პროექტების გამოყენებაზე.

ამიტომ ეს შეიძლება ფინანსურადაც ძალიან მნიშვნელოვანი აღმოჩნდეს. დელონის სახელი დღესაც კომერციული აქტივია. სწორედ ეს 2022 წლის ანდერძი და მასში შეტანილი ცვლილებებია დღეს კონფლიქტის საბაბი.

ალენ დელონის ვაჟი ალან ფაბიანი ყველაზე აქტიურად იბრძვის ანუშკას წინააღმდეგ. მისი მტკიცებით, მამამ 2022 წელს ეს გადაწყვეტილებები მაშინ მიიღო, როდესაც მისი ჯანმრთელობა უკვე სერიოზულად იყო გაუარესებული და მისი გონებრივი მდგომარეობა შესაძლოა საკმარისად მკაფიო აღარ ყოფილიყო. ის ცდილობს სასამართლოში დაამტკიცოს, რომ დელონის მდგომარეობა აღარ იძლეოდა ასეთი მნიშვნელოვანი გადაწყვეტილებების სრულფასოვნად მიღების შესაძლებლობას. უფრო მეტიც, ის არა მხოლოდ 2022 წლის ანდერძს, არამედ ანუშკას სასარგებლოდ გაკეთებულ გარკვეულ გადაწყვეტილებებსა და Adid-ს — Alain Delon International Distribution-ს დაკავშირებულ წილებსაც აპროტესტებს. ალანი ამბობს, რომ მისი მიზანი უბრალოდ მეტი ფულის მიღება არ არის. მას სურს დაამტკიცოს, რომ მამაზე გავლენა მოახდინეს და რომ მისი ბოლო წლების გარკვეულ გადაწყვეტილებებში რაღაც არასწორად მოხდა.

რატომ ანუშკა?

ანუშკა ალენ დელონის უმცროსი ქალიშვილია, რომელთანაც დელონს განსაკუთრებით ახლო ურთიერთობა ჰქონდა. სიცოცხლის ბოლო წლებში ანუშკა მამის ჯანმრთელობისა და მკურნალობის საკითხებში ძალიან აქტიურად იყო ჩართული. როცა დელონის ჯანმრთელობა გაუარესდა, სწორედ ანუშკა ცდილობდა მის შვეიცარიაში გადაყვანას, სადაც მას საცხოვრებელიც ჰქონდა და მკურნალობის გაგრძელებაც შეეძლო. ძმები კი ამას სხვაგვარად უყურებდნენ და ფიქრობდნენ, რომ მამა საფრანგეთში, Douchy-ში უნდა დარჩენილიყო.

ამასთან, დელონს ორ ვაჟთან განსაკუთრებით რთული ურთიერთობა ჰქონდა. ენტონისთან დაძაბულობა წლების განმავლობაში არსებობდა, ალანთან კი ურთიერთობა კიდევ უფრო პრობლემური იყო.

თუ 2022 წლის დოკუმენტი ძალაში დარჩა, ანუშკას შეიძლება ჰქონდეს განსაკუთრებული კონტროლი არა უბრალოდ ფულის ნახევარზე, არამედ თვითონ „Alain Delon-ის ბრენდზე“, რაც კიდევ უფრო მეტ და პერსპექტივაში, მუდმივ შემოსავალს გულისხმობს.

რა ხდება ახლა?

აღსანიშნავია ისიც, რომ და-ძმებისკონფლიქტი დელონის გარდაცვალების შემდეგ კი არ დაიწყო — ის ჯერ კიდევ მაშინ მიმდინარეობდა, როცა დელონი ცოცხალი იყო, განსაკუთრებით მისი ჯანმრთელობის, მოვლისა და შვეიცარიაში გადაყვანის საკითხებზე. მემკვიდრეობის ომი, ფაქტობრივად, იმ ძველი კონფლიქტის გაგრძელებად იქცა.ცნობილია, რომ დელონს თავის დროზე მომვლელიც ჩამოაშორეს შვილებმა, რომელთანაც ძალიან იყო მიჯაჭვული და მეორე ნახევრადაც მიიჩნევდა. შვილები კი ამბობდნენ, რომ ქალი ალენის ქონებაზე ნადირობდა და გაუშვეს...

• და კიდევ ერთი საინტერესო დეტალი: