ყოფილ ფეხბურთელს და საფეხბურთო მწვრთნელს, კლუბ "ზეკარის" დამფუძნებელ გიორგი ტუხაშვილს უამრავი ადამიანი იცნობდა და უყვარდა. სოციალურ ქსელშიც არაერთხელ გავრცელებულა ვირუსულად ემოციური ვიდეოები, დასტური იმისა, რომ პატარები იქ არა მხოლოდ ფეხბურთს, არამედ მეგობრობას და ურთიერთთანადგომას სწავლობდნენ.
სამწუხაროდ, გიორგი ტუხაშვილი, რომელიც მძიმე სენს ებრძოდა, გარდაიცვალა. სოციალურ ქსელში მას მოსწავლეები და მათი მშობლები ემშვიდობებიან.
"ეს უბრალოდ დიდი უსამართლობაა…
- 4 ბავშვით დავიწყეთ და დღეს 170 გვყავს. ძალიან მიყვარს მათთან ურთიერთობა. მიუხედავად ამისა, ეს მარტივი არაა, რადგან ყველას განსხვავებული მიდგომა სჭირდება. 170 სხვადასხვანაირი ადამიანი გვყავს და ყველა მათგანი განსხვავებულად რეაგირებს შენიშვნებსა თუ შექებაზე...
იმ დღიდან, როდესაც ეს საქმე დავიწყე, ჩემი მთავარი მიზანია, ეს ბავშვები კარგ ადამიანებად გაიზარდონ, შეიყვარონ ერთმანეთი და მეგობრობა, ერთგულება ისწავლონ... ჩემთვის ბავშვებთან მუშაობა ასეთი, ბუნებრივი და თბილი ემოციის გარეშე შეუძლებელია. მე მწვრთნელი ვარ, თუმცა ამ საქმეში ძალიან დიდი როლი ჩემს მეუღლეს აკისრია, რომელიც ყველაფერს აგვარებს და ძალიან ბედნიერი ვარ, რომ ჩემ გვერდითაა. ის ჩემზე მეტს აკეთებს.