როგორ აღნიშნეს ხვიჩა კვარაცხელიამ და ნიცა თავაძემ შვილის დაბადების დღე - პატარა დამიანე 2 წლის გახდა - მშობლები

ხვიჩა კვარაცხელიასა და ნიცა თავაძის ვაჟი, დამიანე კვარაცხელია, 21 აგვისტოს 2 წლის გახდა. მშობლებმა დაბადების დღე ოჯახთან და ახლობლებთან ერთად აღნიშნეს, წვეულებიდან ფოტოები კი სოციალურ ქსელებში გამოაქვეყნეს.

დამიანეს მეორე დაბადების დღისთვის ავტომრბოლების თემატიკა შეარჩიეს. სადღესასწაულო სივრცე სარბოლო ტრასისთვის დამახასიათებელი დეტალებით იყო გაფორმებული — შავ-თეთრი უჯრედებიანი დროშებით, თასით, პატარა სარბოლო ავტომობილებითა და გამარჯვებულთა პოდიუმით.

ავტომრბოლების თემატიკას იმეორებდა დაბადების დღის ტორტიც. მრავალსართულიანი ცისფერი ტორტი შავ-თეთრი სარბოლო უჯრედებით, დროშებითა და პატარა მანქანებით იყო გაფორმებული. ტორტზე დამიანეს სახელიც იყო დატანილი.

დამიანეს იუბილე ხვიჩა კვარაცხელიამ სოციალურ ქსელშიც მიულოცა. ფეხბურთელმა შვილთან ერთად გადაღებული ფოტოები გამოაქვეყნა და დაწერა:

„2 წელი საუკეთესო ცხოვრებით.“

დამიანეს ფოტოები გამოაქვეყნა ნიცა თავაძემაც. მან შვილს მეორე დაბადების დღე ასეთი სიტყვებით მიულოცა:

„ბედნიერი, დამიანე. ორწლიანი სიყვარული, რომელმაც შეცვალა ჩემი არსებობის ყოველი ნაწილი.“

დამიანე კვარაცხელია 2024 წლის 21 აგვისტოს დაიბადა. ხვიჩა კვარაცხელიასა და ნიცა თავაძისთვის ის პირველი შვილია.