"როგორ მალე გადის დრო... გილოცავთ სწავლის დაწყებას!" - ცნობილები საპირველსექტემბრო ფოტოებს აქვეყნებენ - მშობლები
"როგორ მალე გადის დრო... გილოცავთ სწავლის დაწყებას!" - ცნობილები საპირველსექტემბრო ფოტოებს აქვეყნებენ
მიუხედავად იმისა, რომ საქართველოს მასშტაბით საჯარო სკოლებში სწავლა 15 სექტემბერს იწყება, ზოგიერთ კერძო სკოლაში სწავლა უკვე დაიწყო. ცნობილი სახეები საპირველსექტემბრო ფოტოებს და ვიდეოებს აქვეყნებენ.
თამუნა ვაშალომიძის ქალიშვილი სოფია უკვე მესამე კლასში გადავიდა. თამუნა ვიდეოს აქვეყნებს და ულოცავს ყველას სწავლის დაწყებას.
ასევე სწავლის პირველი დღის ფოტო გამოაქვეყნეს ცნობილმა ბავშვმა ბლოგერმა ემილიამ და მისმა დაიკომ.
ყოფილი "მის საქართველოს" დეა არაყიშვილის ქალიშვილსაც დაეწყო სწავლა:
"გუშინ თითქოს ხელი მაგრად ეჭირა ჩემს ხელზე, დღეს კი უკვე მეორე კლასისკენ მიდის… ალბათ დედობა სწორედ ეს არის — მთელი გულით ასწავლო წინ წასვლა და ჩუმად გენატრებოდეს ყოველი ეტაპი, რომელსაც უკან ტოვებთ." - წერს დეა.
პირველად შედის სკოლაში მოდელ ანა შელიას ქალიშვილი და ლიკა კვარაცხელიას შვილიშვილი.
სწავლის პირველი დღის ვიდეოებს და ფოტოებს აქვეყნებს ქეთა თოფურია, რომლის შვილები რუსეთში კერძო სკოლაში სწავლობენ.
ოლივიამ მხიარული ვიდეოც ჩაწერა, თუ როგორ "უხარია" სწავლა.
პრესქულში შევიდა თინათინ წულაძის ვაჟი, რომელიც მომავალ წელს პირველკლასელი იქნება.
