პომიდვრის საწებლის უმარტივესი რეცეპტი ზამთრისთვის - ყველაზე გამოუცდელ დიასახლისსაც გამოუვა - მშობლები

ეს სეზონი საუკეთესოა ზამთრის მარაგების მოსამზადებლად. გთავაზობთ ძალიან მარტივი, კლასიკურ კეტჩუპს, რომელიც კარგად ინახება და ყველანაირ კერძს უხდება.

ინგრედიენტები:

• პომიდორი — 5 კგ
• ხახვი — 500 გ
• შაქარი — 200–250 გ
• მარილი — 2 სუფრის კოვზი (დაახლოებით 35–40 გ)
• 9%-იანი ძმარი — 100 მლ
• შავი პილპილი დაფქული — 1 ჩაის კოვზი
• ტკბილი პაპრიკა — 1 სუფრის კოვზი
• სურვილისამებრ: ½ ჩ/კ დარიჩინი და 3–4 მიხაკი

მომზადება

პომიდორი და ხახვი მსხვილად დაჭერით, მოათავსეთ დიდ ქვაბში და დაახლოებით 40–50 წუთის განმავლობაში ხარშეთ, სანამ კარგად არ დარბილდება.

შემდეგ მიღებული მასა დააბლენდერეთ. თუ გსურთ, კეტჩუპი განსაკუთრებით გლუვი და ერთგვაროვანი გამოვიდეს, მასა საცერში გაატარეთ — ამგვარად კანსა და თესლს მოაშორებთ.

პომიდვრის მასა კვლავ ქვაბში ჩააბრუნეთ და დაბალ ცეცხლზე, თავსახურის გარეშე ხარშეთ. პერიოდულად მოურიეთ. ზედმეტი სითხე აორთქლდება და მასა საგრძნობლად შესქელდება.

შემდეგ დაუმატეთ მარილი, შაქარი, შავი პილპილი და პაპრიკა. სურვილის შემთხვევაში შეგიძლიათ დარიჩინი და მიხაკიც დაამატოთ. კიდევ 15–20 წუთი ხარშეთ.

ბოლოს ჩაასხით 100 მლ 9%-იანი ძმარი, კარგად მოურიეთ და კიდევ 5 წუთი ადუღეთ.

მზა კეტჩუპი ცხელ-ცხელი ჩაასხით წინასწარ სტერილიზებულ ქილებში და მოხუფეთ.

ამის გაკეთების სეზონი ახლაა და არ დაიზაროთ - ტომატის საწებელი ნინო კვაჭანტირაძის რეცეპტით