2026 წლის 23 სექტემბერს შემოდგომის ბუნიობაა - გამორჩეული წინასწარმეტყველებები და რიტუალები სიყვარულისა და ფინანსური წარმატების მოსაზიდად - მშობლები

შემოდგომის ბუნიობა ის პერიოდია, როდესაც მზე ცის ეკვატორს კვეთს და ჩრდილოეთ ნახევარსფეროში ასტრონომიული შემოდგომის დადგომას იუწყება. ამ მომენტიდან დღე თანდათან იკლებს, ღამე კი ხანგრძლივდება.

დღესდღეობით შემოდგომის ბუნიობას ისე მასშტაბურად აღარ აღნიშნავენ, როგორც ძველად. ეზოთერიკოსები კი მიიჩნევენ, რომ ეს პერიოდი სხვადასხვა რიტუალისა და წინასწარმეტყველებისთვის განსაკუთრებით ხელსაყრელია. მათ, ვისაც შემოდგომის ბუნიობის ენერგიის გამოყენება სურს, ქვემოთ მოცემული წესების გაცნობა ნამდვილად გამოადგებათ:

რა არის ბუნიობა?

დედამიწა საკუთარი ღერძის ირგვლივ დახრილად ბრუნავს. ეს დახრილობა დაახლოებით 23,5 გრადუსს შეადგენს და სწორედ ის განაპირობებს წელიწადის დროთა ცვლას. ხან ერთი ნახევარსფერო იღებს მეტ სინათლესა და სითბოს, ხან კი - მეორე.

წელიწადში ორჯერ დედამიწა ორბიტაზე ისეთ პოზიციას იკავებს, რომ მზის სხივები ეკვატორს პირდაპირ ეცემა. ამ დროს დღე და ღამე თითქმის თანაბარი ხანგრძლივობისაა.

შემოდგომის ბუნიობის შემდეგ ჩრდილოეთ ნახევარსფეროში დღე თანდათან მოკლდება, სამხრეთ ნახევარსფეროში კი გაზაფხული იწყება. ეს პროცესი დეკემბრის ბოლოს, ზამთრის მზებუდობამდე გრძელდება.

როდის არის ბუნიობა 2026 წელს?

2026 წლის შემოდგომის ბუნიობა 23 სექტემბერს დადგება.

ამ მოვლენას კალენდარში მუდმივი თარიღი არ აქვს და ის ხან 22, ხან კი 23 სექტემბერსაა. ამის მიზეზი ის არის, რომ დედამიწის ერთი სრული შემოვლა მზის გარშემო ზუსტად 365 დღეს არ მოიცავს. დაგროვილი საათები და ნაკიანი წლები ბუნიობის თარიღზე მცირე გავლენას ახდენს.

ხალხური ნიშნები:

• შორ გზაზე მოგზაურობისას ფრთხილად იყავით. ძველი რწმენით, ბუნიობის დღეს დაწყებული მგზავრობა არც ისე ხელსაყრელი აღმოჩნდება. შორეულ მოგზაურობას სხვა დღისთვის გეგმავდნენ.
• ამინდის პროგნოზი. მიიჩნეოდა, რომ 23 სექტემბრის ამინდი მთელი შემოდგომის ხასიათზე მიანიშნებდა.
• ასკილისა და კენკრის ნიშანი. უხვი ნაყოფი მკაცრ და ყინვიან ზამთარს მოასწავებს.
• მოსავლის დღესასწაული. ამ დღეს სუფრას გასული ზაფხულის ბარაქით შლიდნენ და საველე თუ საბაღე სამუშაოებს ასრულებდნენ.
• გვიანი თბილი დღეები. ბუნიობის პერიოდში მცირე დათბობა ხშირად შემოდგომის უკანასკნელ თბილ დღეებს უკავშირდებოდა.

რიტუალები შემოდგომის ბუნიობის დღეს:

წარმატების მოსაზიდი რიტუალი

• შესაბამისი ფერის სანთელი აიღეთ: ფულისთვის - მწვანე, სიყვარულისთვის - წითელი, ჰარმონიისთვის - ყვითელი ან იასამნისფერი.
• სანთელზე საკუთარი სურვილი ფრთხილად ამოკაწრეთ.
• სურვილზე მაქსიმალურად კონცენტრირდით. მკაფიოდ წარმოიდგინეთ ის ემოციები, რომლებსაც სურვილის ასრულება გამოიწვევს.
• სანთელი აანთეთ და წარმოიდგინეთ, როგორ იქცევა სურვილი სინათლის დიდ ბურთად. ეს სახე გონებაში გარკვეული დროით შეინარჩუნეთ, შემდეგ კი წარმოიდგინეთ, როგორ უშვებთ სინათლის ბურთს სამყაროში.

ფულის მოსაზიდი რიტუალი

ფინანსური კეთილდღეობის მოსაზიდად კარის ხალიჩის ქვეშ სამ მონეტას დებენ. მასზე ოჯახის ყველა წევრმა უნდა გაიაროს. შემდეგ მონეტებს საიმედო ადგილას ინახავენ. მონეტის დანახვისას ამბობენ: "ფული სახლში შემოდის, ბედნიერება მოაქვს".

ურთიერთსიყვარულის რიტუალი

ურთიერთობის დასალაგებლად საკუთარი ხელით ნამცხვარს აცხობენ. ცომის მოზელისას ამბობენ: "ბედნიერება არ მტოვებს, სიყვარული არ ქრება". ნამცხვარი მთლიანად უნდა შეიჭამოს, ამიტომ მცირე ულუფას ამზადებენ. კერძით უცხო ადამიანებს არ უმასპინძლდებიან. პარტნიორისთვის ცალკე ულუფას ამზადებენ.

სხვადასხვა ხალხის ტრადიციები:

ბუნიობას ასტრონომიის განვითარებამდეც აღნიშნავდნენ. ეს დღე ბევრ კულტურაში მოსავლის აღებასა და ბუნების ციკლის დასრულებას უკავშირდებოდა.

კელტები

კელტები ამ დღეს მაბონს უწოდებდნენ. დღესასწაული ვაშლის მოსავლის აღებას ეძღვნებოდა. ხალხი ბუნებას მადლობას უხდიდა და წელიწადის ცივი პერიოდის დადგომისთვის ემზადებოდა.

იაპონელები

იაპონიაში ეს დღე დასვენების დღეა. მას "ჰიგანს" უწოდებენ, რაც "სხვა ნაპირს" ნიშნავს. არსებობს რწმენა, რომ ამ პერიოდში ზღვარი ცოცხალთა და მიცვალებულთა სამყაროებს შორის მცირდება.

იაპონელები წინაპართა საფლავებს უვლიან. სუფრაზე კი ვეგეტარიანულ კერძებსა და ტკბილეულს დებენ.

მექსიკა

მექსიკაში, ჩიჩენ-იცაში, კუკულკანის პირამიდა დგას. ბუნიობის პერიოდში, მზის ჩასვლისას, ჩრდილები პირამიდის კიბეზე გველის ფორმას ქმნის.

სილუეტი კიბეზე მოძრავი გველის შთაბეჭდილებას ტოვებს. ამ სანახაობის სანახავად ბუნიობის დღეებში ათასობით ადამიანი იკრიბება.