"ეუბნებოდა, ან მე ამირჩიე, ან დედაშენიო... დაემუქრა, თუ მას არ აირჩევდა, დაშორდებოდა..." - ცნობილი მსახიობის გარდაცვალების ახალი დეტალები და დედის მოულოდნელი აღიარება - მშობლები

„Breaking Bad“-ის 34 წლის ვარსკვლავის, არჯეი მიტის გარდაცვალებასთან დაკავშირებით ახალი დეტალები იკვეთება. TMZ-ის ცნობით, ტრაგედიამდე ცოტა ხნით ადრე, მსახიობის საცოლემ, კენედი სუარესმა, სავარაუდოდ, ულტიმატუმი წაუყენა: ან ის უნდა აერჩია, ან დედა.

ტაბლოიდის წყაროების ცნობით, კენედის არ მოსწონდა მსახიობის ოჯახისადმი მიჯაჭვულობა და ასევე თვლიდა, რომ მისი დედა, დეინა, მათ ურთიერთობაში ერეოდა. ორი ქალი ერთმანეთს ვერ ეწყობოდა და ეს სულ უფრო მეტად იწვევდა კონფლიქტებს შეყვარებულებს შორის. სავარაუდოდ, მიტის საცოლე მოითხოვდა, რომ მათ ურთიერთობას პრიორიტეტი მიენიჭებინა და დაემუქრა, რომ თუ ის მას პრიორიტეტს არ მიანიჭებდა, დაშორდებოდა. თუმცა, მსახიობი ძალიან ახლოს იყო დედასთან და დასთან, ლასიანთან, და არ სურდა ოჯახისგან დისტანცირება. ინსაიდერები ამტკიცებენ, რომ სუარესთან მისმა უთანხმოებებმა მასზე დიდი გავლენა მოახდინა მსახიობზე, მის გარდაცვალებამდე რამდენიმე კვირით ადრე.

დაინამ ტაბლოიდთან ინტერვიუში დაადასტურა, რომ მის შვილსა და მის საცოლეს შორის დაძაბულობა იყო ოჯახთან სიახლოვის გამო, რაც მასზე დიდ ზეწოლას ახდენდა. თუმცა, მან ხაზგასმით აღნიშნა, რომ არასდროს სურდა, არჯეი იძულებული ყოფილიყო არჩევანი გაეკეთებინა ოჯახსა და შეყვარებულს შორის. დაინას თქმით, ის კომფორტულად გრძნობდა თავს შვილის გადაწყვეტილებით, დაქორწინებულიყო, გადასულიყო და საკუთარი ცხოვრება აეშენებინა. კენედი სუარესს ჯერ არ გაუკეთებია კომენტარი ამ სიტუაციაზე.

ცნობილია, რომ მიტი და სუარესი ათი წლის განმავლობაში მეგობრობდნენ, 2020 წელს კი გამოაცხადეს, რომ შეყვარებულები იყვნენ. გასული წლის ოქტომბერში დაინიშნენ. TMZ-ის ცნობით, წყვილი მსახიობის გარდაცვალებამდე ერთი კვირით ადრე ერთად იყო. თუმცა, უცნობია, დაშორდნენ თუ არა ისინი მსახიობის სიცოცხლის ბოლო დღეებში.

შეგახსენებთ, გასულ კვირას გამოცხადდა არჯეი მიტის გარდაცვალების შესახებ, რომელიც საკულტო სერიალში „Breaking Bad“ უოლტერ უაით უმცროსის როლს ასრულებდა. მედიის ცნობით, მსახიობმა, რომელიც თავისი პერსონაჟის მსგავსად ბავშვობიდან ცერებრალური დამბლით ცხოვრობდა, თუმცა შემდგომ შედარებით მსუბუქი სირთულეები ჰქონდა და როლის გამო ხელახლა ისწავლა ყავარჯნებით სიარული, რამდენიმე დღის წინ თავი მოიკლა. დიაგნოზის მიუხედავად, მიტი ფილმებსა და სატელევიზიო სერიალებში თამაშობდა, მოდელად მუშაობდა და შეზღუდული შესაძლებლობის მქონე პირთა უფლებებს იცავდა.