ნინო ანანიაშვილის ძმისშვილი გათხოვდა - მხიარული ქორწილის პირველი კადრები - მშობლები
ნინო ანანიაშვილის ძმისშვილი გათხოვდა - პირველი კადრები წლის ყველაზე მხიარული ქორწილიდან
მსოფლიოში ცნობილი ბალერინას და ქორეოგრაფის, ნინო ანანიაშვილის ძმისშვილი და მოსახელე - მსახიობი ნინო ანანიაშვილი გათხოვდა. მისი რჩეული ციფრული ტრანსფორმაციის ექსპერტი და მენეჯერი ნიკა კოხოძეა. წყვილი ცოტა ხნის წინ დაინიშნა.
დღეს კი იქორწინეს.
წყვილმა ტრადიციულად, ჯვარი დაიწერა, შემდეგ კი ძალიან მხიარული ქორწილი გადაიხადეს მეგობრების და ახლობლების წრეში. ერთ-ერთი მეჯვარე გიორგი გიგაშვილი იყო, რომელმაც ქორწილში წყვილისთვის არაერთი კომპოზიცია შეასრულა. ისევე, როგორც ლელა წურწუმიამ, კატო კვარაცხელიამ, ნატალია ქუთათელაძემ და წყვილის სხვა ხელოვანმა მეგობრებმა. ქორწილში, რასაკვირველია, იყო ნინოს ცნობილი მამიდა, რომელთან ერთადაც ნინო უმცროსმა ნელი ვალსი იცეკვა.
ამ ქორწილმა უდაოდ დაიმსახურა წლის ყველაზე მხიარული ქორწილის ტიტული.
ქორწილის ფოტოები და ვიდეოები სოციალურ ქსელში წყვილის მეგობრებმა და გვერდმა Framemetbilisi გაავრცელა.
- ნინო ანანიაშვილი უმცროსი კინოსა და თეატრის მსახიობია. რამდენიმე როლი არის უკვე მის ანგარიშზე, მარჯანიშვილის თეატრის სცენაზე და ასევე სერიალში. გარდა ამისა, მამიდის სახელობის სტუდიას ხელმძღვანელობს, რომელიც ბალეტის პატარება და დიდი მოყვარულებისთვის არის.
