"ყველაზე მეტად მინდა, ანასტასიასთვის ღირებული იყოს ოჯახი, ნათესავები და ეს ფასეულობა არ დაიკარგოს... დედით უკრაინელი ვარ, მამით - ქართველი, და ბევრი წელი დამჭირდა, მეგრძნო, რა მაგარია ეს ქართული ნათესაობა, გვერდში დგომა" - ქეთი ხატიაშვილი - მშობლები

ტანმოვარჯიშე და ტელეწამყვანი ქეთი ხატიაშვილი და მისი ქალიშვილი - მოცეკვავე ანასტასია ვადაჭკორია, "შაბათ-კვირის დილაში" საუბრობენ დედაშვილობაზე და ურთიერთობებზე:

ქეთი:

- საერთოდ ამოაყირავა ანასტასიამ ჩემი ცხოვრება... ძალიან პატარა ვიყავი, 21 წლის... ჩემი აზრით, ცოტა ადრეა. ანასტასიამ მთლიანად შეცვალა ჩემი ცხოვრება. ნელ-ნელა მეც მასთან ერთად გავიზარდე. მეც მასთან ერთად გავიზარდე. ძალიან ბევრი რამ ვისწავლე მასთან ერთად, ბევრიც შემეშალა, ვაღიარებ. მერე ამაზეც ვმუშაობდით. ახლა კი ვართ დებივით...

ანასტასიასგან ბევრს ვსწავლობ, თუნდაც ინტერნეტის გამოყენებას. ძალიან მარტივად შეუძლია პრობლემების გადაჭრა. მარტივად გადადის შემდეგ ეტაპზე. მაგალითად, რაღაც არ გამოვიდა, არა უშავს, გადადის შემდეგ ნაბიჯზე, იწყებს საკუთარ თავზე მუშაობას, განვითარებას. ეს ზოგადად ამ თაობისაც დიდი პლუსია და ანასტასიასგან ამას ვსწავლობ.

ბევრი რამით განვსხვავდებით. ვუსურვებდი, სახლში უფრო მობილიზებული იყოს. მე უფრო მკაცრი დედა მყავდა. მეც მკაცრი ვარ, მაგრამ სახლში ჩვენ ბევრად მეტი მოგვეთხოვებოდა, სახლსაც ვალაგებდით მე და ჩემი და, დედას სულ ვეხმარებოდით. ანასტასიას ეს მთლიანად ჩახსნილი აქვს... შეჯიბრებებზე ვიჭერ უფრო ჩემს თვისებებს, სპორტულ ჟინს. თუმცა ჩემზე ძლიერიცაა. რაღაც თვისებები ანასტასიას უფრო აქვს.

ყველაზე მეტად მინდა, რომ მისთვის ღირებული იყოს ოჯახი, ოჯახში გატარებული დრო, ოჯახის წევრებთან ერთად, და ეს ფასეულობა არ დაიკარგოს, ნათესავები... მე დედით უკრაინელი ვარ, მამით - ქართველი, კახელი, და ბევრი წელი დამჭირდა, რომ მეგრძნო, ეს ქართული ნათესაობა რა მაგარია, გვერდში დგომა. ძალიან კარგი რაღაც მოგვცა მამამ მე და ჩემს დას. ეს ოჯახის პატივისცემა, ბიძაშვილები, დეიდაშვილები რომ ძალიან ძვირფასი ადამიანები არიან ჩვენთვის. ჩვენ ერთი დიდი ოჯახი ვართ... ლხინში ყველა კაია და როცა რთული პერიოდებია, მათი გვერდში დგომა დაუფასებელია. ეს მინდა, რომ ანასტასიამ იცოდეს, შეინარჩუნოს, და ყველასთან ჰქონდეს კარგი, მჭიდრო ურთიერთობა.

...სულ ვეუბნები, მადლობა, რომ ჩემს მუცელში ჩახტი. რა აზრი ექნებოდა ჩემს ცხოვრებას, რომ არა ანასტასია. ანასტასიას გარეშე არ მექნებოდა ეს განვითარების სურვილი. როცა ძალიან საპასუხისმგებლო რამეა ჩემს ცხოვრებაში, და ერთ-ერთი ასეთი იყო "ცეკვავენ ვარსკვლავები", როცა ანასტასია იყო ორი წლის, მაშინ ძალიან პატარა იყო, მაგრამ პირველი სულ მაგაზე მეფიქრებოდა, რომ გაიზრდება და ნახავს, ხომ უნდა ესიამოვნოს. ისეთი რაღაც არ ვთქვა, რომ მერე არ ესიამოვნოს. მისთვის მინდა, რომ ვიყო კარგი, ძლიერი, განვითარებული. ვეტყოდი ყველაფრისთვის დიდ მადლობას.

ანასტასია:

- მიუხედავად იმისა, რომ ორივეს დატვირთული გრაფიკი გვაქვს და იშვიათად ვნახულობთ ერთმანეთს, არ არსებობს ისეთი რამ, დედას რომ არ გავუზიარო. იმიტომ კი არა, რომ დედაა და უნდა იცოდეს. იმიტომ, რომ ყველანაირ სიტუაციაში, რა რჩევაც არ უნდა მომცეს, ყველანაირად სწორი იქნება. და რომც არ მინდოდეს, რომ ასე გავაკეთო, ბოლოს მაინც ისე აღმოჩნდება, რომ როგორც დედამ თქვა, ისე იქნებოდა სწორი.

მე და დედა, როგორც ალბათ ყველა დედა-შვილი, ხშირად ვკამათობთ, მაგრამ უფრო სახლში. რაც შეეხება ცეკვას, ვარჯიშს, მუშაობას, ალბათ, ისე ვგავართ თვისებებით ერთმანეთს, ამ საკითხებში ძალიან ვეწყობით. უფრო ვჩხუბობთ სახლში, საყოფაცხოვრებო თემებზე.

დედასი ის მომწონს, იმას ვხედავ და მიკვირს სულ, რომ რაც არ უნდა ხდებოდეს, სულ თავდაჯერებულია და თავის თავს უმაღლეს დონეზე წარმოადგენს... რომ ვუყურებ, რა აურაც მოდის დედასგან, ძალიან თავდაჯერებულია, სულ მინდა, რომ გავიზრდები, მეც ეგრე ვჩანდე გვერდიდან და ეგრე ვგრძნობდე თავს პირველ რიგში.

ყველაფრისთვის მადლობა მაქვს სათქმელი დედისთვის, მაგრამ ვიტყოდი, რომ ახლა როგორიც ვარ და რა ეტაპზეც ვარ, იმის დამსახურებაა, რაც დედამ ჩემთვის გააკეთა. ერთ რაღაცასაც არ ვნანობ, რაც წარსულში ჩვენ შორის მომხდარა. სირთულეები იყო... იმიტომ, რომ მაგან ჩამოგვაყალიბა და გვასწავლა ძალიან ბევრი რამე, და ალბათ იმიტომ გვაქვს ახლა ასეთი მჭიდრო და კარგი ურთიერთობა. და ამისთვის ვეტყოდი ამ ეტაპზე დედას ყველაზე დიდ მადლობას.

• ქეთი ხატიაშვილი სამი შვილის დედაა. ანასტასიას შემდეგ, მეორე ქორწინებაში, ორი შვილი შეეძინა.

“რატომ არიან ყოფილი ტანმოვარჯიშეები წარმატებულები სხვა სფეროშიც?! ტანვარჯიში არის დისციპლინა, რომელიც ბავშვში ავითარებს შრომას, დროის გადანაწილებას, მოთმინებას... - ქეთი ხატიაშვილი

მთელი ღამით დათოს ჰყავს, უცვლის, აჭმევს, აძინებს... მე ილიას ვაძინებ, დათოს მარია ჰყავს ჩაბარებული... სახლში ორი დამხმარე გვყავს - ქეთი ხატიაშვილი მრავალშვილიან დედობასა და მეუღლის ჩართულობაზე