Taschen-ის საკოლექციო წიგნები - 7 უნიკალური წიგნი დიზაინსა და მოდაზე - მშობლები

როდესაც საქმე ეხება ხელოვნების, მოდის, არქიტექტურისა და ვიზუალური კულტურის უმაღლესი ხარისხის გამოცემებს, არსებობს ერთი გლობალური სახელი, რომელიც ესთეტიკასთან და წიგნის საკოლექციო ღირებულებასთან ასოცირდება - Taschen.

1980 წელს გერმანიაში, ბენედიქტ ტაშენის მიერ დაარსებულ ლეგენდარულ გამომცემლობას წიგნის ბეჭდვის ხელოვნება ახალ სიმაღლეებზე აჰყავს. Taschen ცნობილია თავისი უკომპრომისო ხარისხით: გიგანტური ფორმატის ტომებით, უნაკლო პოლიგრაფიით, ექსკლუზიური ფოტომასალითა და უნიკალური დიზაინით. Taschen-ის წიგნები უბრალოდ საკითხავი მასალა არ არის, ეს ინტერიერის დეკორატიული ელემენტი, ხელოვნების ნიმუში და საკოლექციო ნივთია, რომლის ღირებულებაც წლებთან ერთად იზრდება.

ვისთვის არის Taschen-ის სერია გამორჩეულად სასიხარულო საჩუქარი?

• დიზაინერებისთვის
• მოდის ინდუსტრიის წარმომადგენლებისათვის
• კოლექციონერებისთვის
• ფოტოგრაფებისათვის
• უბრალოდ დახვეწილი გემოვნების მქონე ადამიანისთვის

Taschen-ის წიგნი ძალიან შთამბეჭდავი და ღირებული არჩევანია.

Taschen-ის გამორჩეული გამოცემები დიზაინის თემაზე

გიზიარებთ საკულტო ტომების მცირე მიმოხილვას, რომლებიც მოდისა და დიზაინერული ხელოვნების ნამდვილ ენციკლოპედიას წარმოადგენს:

1. Fashion Designers A–Z

მოდის სამყაროს ნამდვილი ენციკლოპედია! ეს წიგნი აერთიანებს საუკუნის ყველაზე გავლენიან დიზაინერებსა და მოდის სახლებს A-დან Z-მდე (Chanel, Dior, McQueen, Yves Saint Laurent და მრავალი სხვა). წიგნში წარმოდგენილია ნიუ-იორკის FIT (Fashion Institute of Technology) მუზეუმის ექსკლუზიური ექსპონატები და იშვიათი კოსტიუმები.

2. The adidas Archive: The Footwear Collection

სპორტული ფეხსაცმლისა და ქუჩის მოდის მოყვარულთა „ბიბლია“. წიგნში შესულია Adidas-ის ისტორიული არქივიდან 350-ზე მეტი წყვილი ფეხსაცმელი - დაწყებული ადი დასლერის პირველი ნაბიჯებიდან, ვიდრე როკ-ჯგუფ Run-DMC-ის საკულტო კოლაბორაციებითა და თანამედროვე დიზაინერულ ექსპერიმენტებამდე.

3. Pucci: A Fashion Story

იტალიური ფუფუნებისა და ფერების ზეიმი! ემილიო პუჩის თავბრუდამხვევი პრინტები, გეომეტრიული ორნამენტები და ფლორენციული ელეგანტურობა. წიგნში დეტალურადაა აღწერილი, თუ როგორ შექმნა „პრინტების მეფემ“ ჯეტ-სეტ ეპოქის მთავარი სიმბოლოები.

4. Valentino: A Grand Italian Epic

მაღალი მოდის (Haute Couture) უკვდავი ოსტატის, ვალენტინო გარავანის გრანდიოზული რეტროსპექტივა. წიგნი ასახავს ნახევარსაუკუნოვან ისტორიას, იშვიათ ესკიზებს, წითელი ხალიჩის საკულტო კაბებსა და ვალენტინოს ლეგენდარულ „წითელ ფერს“ (Valentino Red).

5. The Art of Printed Fabrics (ორი ტომი)

საფრანგეთის ისტორიულ ქალაქ მიულუზში მდებარე ნაჭერზე ბეჭდვის მუზეუმის (Musée de l’Impression sur Étoffes) უნიკალური არქივები. წიგნი მკითხველს სთავაზობს ნაბეჭდი ქსოვილების ხელოვნების უპრეცედენტო რეტროსპექტივას XVII საუკუნიდან თანამედროვეობამდე. ეს არის მოგზაურობა ოთხ კონტინენტზე: ინდური ტრადიციული ორნამენტების საწყისებიდან და ევროპულ ფაბრიკებში მათ გავრცელებიდან დაიწყებული, Toile de Jouy-ს ტექნიკური ინოვაციებითა და XIX-XX საუკუნეების ქაშმირისა თუ ყვავილოვანი მოტივებით გაგრძელებული. ორტომეული ცხრა ილუსტრირებულ თავში ქრონოლოგიურად ასახავს ნაბეჭდი ქსოვილების ისტორიას - ინდური საწყისებიდან და ევროპულ ფაბრიკებში „ტუალ დე ჟუის“ (Toile de Jouy) გავრცელებიდან, XIX-XX საუკუნეების ქაშმირის მოტივებამდე, ყვავილოვან ორნამენტებსა და ავანგარდულ მოდერნიზმამდე. უმაღლესი ხარისხით რეპროდუცირებული თითქმის 900 ნიმუშით, ეს გამოცემა ფერებისა და დიზაინის უშრეტი შთაგონების წყაროა ტექსტილის ნებისმიერი ენთუზიასტისთვის.

6. Costume Jewelry (Extra Large)

ბიჟუტერიისა და საკოსტუმე სამკაულების ბრწყინვალე ისტორია, წარმოდგენილი ცნობილი იტალიელი კოლექციონერის, პატრიცია სანდრეტო რე რებაუდენგოს უნიკალური კოლექციის ბაზაზე. წიგნი მოგვითხრობს, თუ როგორ იქცა ნიუ-იორკი XX საუკუნის დასაწყისში სამკაულების დიზაინის ეპიცენტრად ევროპიდან დევნილი ოსტატების წყალობით, და როგორ გადაიქცა ბიჟუტერია ჰოლივუდის ვარსკვლავების, ქალთა ემანსიპაციისა და თვითგამოხატვის მთავარ სიმბოლოდ. გამოცემაში თავმოყრილია 1930-იანი წლებიდან ახალ ათასწლეულამდე შექმნილი 600-მდე იშვიათი ნიმუში, რომლებიც ლუჩიანო რომანოს ულამაზესი ფოტოებითაა ილუსტრირებული.

რატომ უნდა შევაგროვოთ Taschen-ის წიგნები?

მუდმივი მატერიალური და ინტელექტუალური ღირებულება: Taschen-ის მრავალი ტირაჟი შეზღუდულია და წლების შემდეგ აუქციონებსა თუ კოლექციონერებში მათი ფასი საგრძნობლად იზრდება.

პროფესიული ინსპირაცია: ინტერნეტის ეპოქაშიც კი, მაღალი ხარისხის ნაბეჭდ ფოტოსა და ტექსტურასთან ფიზიკურ შეხებას არაფერი შეედრება - ეს არის პროფესიული თვალსაწიერის გაფართოების საუკეთესო გზა.

სტილის ნიშანი: Taschen-ის წიგნი სახლში თუ სტუდიაში მფლობელის დახვეწილ გემოვნებასა და ხელოვნებისადმი პატივისცემაზე მეტყველებს.

გახადეთ თქვენი სამუშაო სივრცე თუ პირადი ბიბლიოთეკა შთაგონების წყარო - Taschen-ის ეს საკულტო გამოცემები ხელმისაწვდომია „ბიბლუსის“ ქსელში!

R