"სიტყვას, და მით უფრო სახელს, აქვს საოცრად დიდი ძალა" - ილია მეორის მოგონება და შეგონება მშობლებს - მშობლები

პატრიარქის პირადი არქივი მის უამრავ მოგონებას ინახავს. ერთ-ერთია მისი ბერად აღკვეცის ემოციური მომენტი, როდესაც მანტიების გადაფარებისას მას სახელი უწოდეს.

"როცა აღკვეცისას მონაზვნებმა თავიანთი მანტიები გადამაფარეს, რატომღაც მეგონა, რომ ერეკლეს მიწოდებდნენ. ჩვენს ოჯახში კარგად იცნობდნენ მეფე ერეკლეს ცხოვრებას და ჩემს მშობლებს ძალიან უყვარდათ იგი. სწორედ მის პატივსაცემად დამარქვეს ირაკლი. ველოდებოდი, რა სახელს იტყოდნენ. მეუფე ზინობმა კი უეცრად წარმოთქვა: "ილია“.

ეს მოულოდნელი იყო ჩემთვის და თითქოს შევწუხდი კიდეც ამის გამო. სიტყვას და მით უფრო სახელს, აქვს საოცრად დიდი ძალა. როცა ბავშვს სახელს ვარქმევთ, აუცილებლად უნდა ჩავიხედოთ კალენდარში და გავიგოთ, რა მნიშვნელობა აქვს ამ სახელს, როგორ ითარგმნება იგი. "ერეკლე" ნიშნავს ფიზიკურ ძალას, "ილია" კი — ღვთის ძალას. საოცარი დამთხვევა მოხდა — ფიზიკური ძალა ღვთის ძალით შეიცვალა. ეს იყო განგება ღვთისა!"

სრულიად საქართველოს კათოლიკოს-პატრიარქი ილია II

2 აგვისტო, 2004 წელი, სიონის საკათედრო ტაძარი

იხილეთ სახელების გვერდი, სადაც ყველა სახელის მნიშვნელობას იპოვით