ქრისტეშობას სათქმელი ტროპარ-კონდაკი ქრისტეშობა - ხორციელად შობა უფლისა ღმრთისა და მაცხოვრისა ჩუენისა იესუ ქრისტესი. ეს ერთ-ერთია ყველაზე დიდ დღესასწაულებს შორის, რომელსაც სიხარულით ვეგებებით. ყველა მართლმადიდებელი, ვინც ამ დღეს შინ ეგებება და არა ტაძარში, კათოლიკოს-პატრიარქის ილია მეორის ლოცვა-კურთხევით, სარკმელთან ანთებს სანთელს. უწმინდესობის მიერ ჩვეულებად ქცეული ეს რიტუალი იმას მიანიშნებს, რომ მორწმუნეები მიდგომილ ღვთისმშობელს საკუთარ ბინაში იხმობენ, მხოლოდ შობილი ძის განსახორციელებლად. სარკმელთან ანთებული სანთელი მაცხოვრის შობასთან ერთად ღამის წყვდიადის გაფანტვასაც განასახიერებს.
აი, რა უნდა წარმოთქვათ შობას ხატების წინ:
ტროპარი: შობამან შენმან ქრისტე ღმერთო, აღმოუბრწყინვა სოფელსა ნათელი მეცნიერებისა, რამეთუ, რომელნი ვარსკულავსა მსახურებენ, ვარსკულავისაგან ისწავეს თაყუანის-ცემაჲ შენი, მზეო სიმართლისაო, რომელი აღმობრწყინდი მაღლით აღმოსავალთად, უფალო დიდება შენდა.
კონდაკი: ქალწული დღეს არსებად უზესთაესსა შობს ჩვენთვის, და ქუეყანა ქვაბსა შეუხებელსა შესწირვენ, ანგელოსნი მწყემსთა-თანა დიდების მეტყუელებენ, ხოლო მოგვნი ვარკულავისა-თანა მოზაურობენ, რამეთუ ჩუენთვის იშვა ყრმა ახალი, პირველ საუკუნეთა ღმერთი.