გადავწყვიტეთ, გაგაცნოთ ცნობილი ქართველი ბიზნესმენების მეორე ნახევრები ცნობილი ბიზნესმენების საქმიანობა მუდამ ინტერესს იწვევს, თუმცა საზოგადოება მათი ოჯახური ცხოვრებითაც ინტერესდება.
გადავწყვიტეთ, გაგაცნოთ ცნობილი ქართველი ბიზნესმენების მეორე ნახევრები. შევეცადეთ გაგვერკვია, ვინ არიან და რას საქმიანობენ ისინი.
"კოკა-კოლა ბოთლერს ჯორჯიას" დამფუძნებლის, თემურ ჭყონიას მეორე ნახევარი მარინა გუნია პროფესიით ექიმია, წყვილმა ერთმანეთი მოსკოვში გაიცნო. მარინა გუნია სამედიცინო სფეროში მუშაობდა. მათი ქალიშვილი სოფო ჭყონია მოდის სფეროშია ჩართული.
„ვისოლ ჯგუფის“ პრეზიდენტის, ბიზნესმენ სოსო ფხაკაძის მეუღლე ნათია კანდელაკია. წყვილს ხუთი შვილი ჰყავს. მიუხედავად იმისა, რომ ნათია კანდელაკი 16 წლის ასაკში გათხოვდა, უმაღლესი განათლება მაინც მიიღო და კავკასიის ბიზნეს სკოლა დაამთავრა. ნათია ყოფილი მოდელი და მოცეკვავეა. წყვილმა ერთმანეთი ქორწილში გაიცნო.
„ვამაყობ ჩემი შვილებით და ჩემი ოჯახით... ერთი წუთით თუ გამომითავისუფლდა დრო, პირველ რიგში ჩემს ოჯახთან ერთად მინდა ყოფნა“, - ამბობს ერთ-ერთ ინტერვიუში სოსო ფხაკაძე.
ბიზნესმენ ლევან ვასაძის მეუღლე ნინო დურგლიშვილია. წყვილს რვა შვილი ჰყავს. არსებული ინფორმაციით, კიკეთში მდებარე იაკობ გოგებაშვილის სახელობის სკოლის 100%-იან წილს ფლობს შპს “კიკეთის სოციალური პროექტები”, რომლის მესაკუთრე ნინო დურგლიშვილია.
რას საქმიანობენ ლევან ვასაძის ოჯახის წევრები - ოჯახური ფოტოები და საინტერესო დეტალები