"საქართველოში კრიმინალი ბავშვების ხარჯზე იზრდება, რატომ? რატომ ხდება ბავშვი აგრესიული, რატომ ეძებს მეგობარს სხვაგან?" - შალვა ამონაშვილი - მშობლები
"საქართველოში კრიმინალი ბავშვების ხარჯზე იზრდება, რატომ? რატომ ხდება ბავშვი აგრესიული, რატომ ეძებს მეგობარს სხვაგან?" - შალვა ამონაშვილი
ჰუმანური პედაგოგიკის დამფუძნებელი, აკადემიკოსი შალვა ამონაშვილი სალომე კასრაძის პოდკასტში საუბრობს, როგორ უნდა ჩამოაყალიბოს მამამ შვილთან თბილი და მეგობრული ურთიერთობა:
- ბავშვს გამგები მამა სჭირდება. შვილი შინაგან ცხოვრებას მამას უმალავს. მამაც არ უხსნის თავის შინაგან ცხოვრებას. ორივე დაკეტილია. ამიტომ, მამა მარტო ჭკუას არიგებს. ეუბნება: "არ წახვიდე", "არ მოხვიდე", "გააკეთე", "ასე ნუ იქცევი"... ესეც გადაირია იმიტომ, რომ ზრდა და თავისუფლება უნდა. მაგრამ, აბა მამა გაიხსნას, წაიყვანოს შვილი თავის სამუშაოზე, წავიდეს მასთან ერთად მივლინებაში, უამბოს, როგორ შეუყვარდა ქალი, ახლაც როგორ უყვარს ის, უამბოს, რა სიძნელეები აქვს სამსახურში, როგორი უფროსი ჰყავს ან თვითონ როგორ უფროსობს, გაუხსნას გული. ამ დროს დავინახავთ, რომ ბავშვიც ნელ-ნელა იხსნება და მამას უახლოვდება. სულის ერთობა ხდება. ასეთ ერთობაში მამის ნახევარი სიტყვა კანონი იქნება ბავშვისთვის.
შალვა ამონაშვილი ამავე პოდკასტში საუბრობს, რა ხდება, ძირითადად, ოჯახების დანგრევის მიზეზი:
- საქართველოში ოჯახების ნახევარი ირღვევა. დარღვევამდე რა ხდებოდა? ჩხუბი და ყაყანი ოჯახში... ამრიგად, მივმართავ დედებსაც და მამებსაც - გინდათ, რომ საუკეთესო შვილები გყავდეთ? თავად გახდით საუკეთესო დედები და მამები, საუკეთესო მეგობარი, საუკეთესო მეზობელი, თქვენს მშობლებს ეცით პატივი, რომ ბავშვმა დაინახოს ეს. მეზობელს, გამვლელს ეცით პატივი, რომ ბავშვმა დაგინახოთ. ზრუნვა გამოიჩინეთ ქვეყანაზე, რომ ბავშვმა გკითხოთ, მამა არავინ გიყურებდა და რატომ აკეთებდი ამასო. თუ ასეთ საქციელებს ჩავიდენთ და ეს საქციელი ბევრი იქნება, ბავშვი თვალსა და ხელს შუა გაგვეზრდება საუკეთესო.
მან ასევე ისაუბრა იმაზე, თუ რატომ ხდებიან ბავშვები აგრესიულები და რატომ იზრდება კრიმინალი ბავშვების ხარჯზე:
