ქირურგმა პაციენტს ელენთის ნაცვლად ღვიძლი ამოუღო, თუმცა ბოლომდე ირწმუნებოდა, რომ შეცდომა არ დაუშვია - ექიმს მკვლელობისთვის გაასამართლებენ - მშობლები
ქირურგმა პაციენტს ელენთის ნაცვლად ღვიძლი ამოუღო, თუმცა ბოლომდე ირწმუნებოდა, რომ შეცდომა არ დაუშვია - ექიმს მკვლელობისთვის გაასამართლებენ
ქირურგმა ოპერაციის დროს პაციენტს ელენთის ნაცვლად ღვიძლი ამოუღო. ინფორმაცია ამის შესახებ New York Post-მა გაავრცელა.
პაციენტი დაახლოებით 70 წლის მამაკაცი იყო, რომელსაც ელენთასთან დაკავშირებული პრობლემა ჰქონდა და ოპერაცია სწორედ ამ ორგანოს ამოსაღებად ტარდებოდა. თუმცა ოპერაციის მიმდინარეობისას ექიმმა შეცდომით ღვიძლი ამოიღო, რომელიც სასიცოცხლოდ მნიშვნელოვანი ორგანოა და ელენთასთან შედარებით სრულიად განსხვავებული ზომისა და ფუნქციისაა. შედეგად ძლიერი სისხლდენა განვითარდა და პაციენტი ოპერაციის დროს გარდაიცვალა.
გავრცელებული ინფორმაციით, ოპერაციის მსვლელობისას სამედიცინო პერსონალმაც შენიშნა, რომ ამოღებული ორგანო ღვიძლი იყო, თუმცა ექიმი მაინც ამტკიცებდა, რომ ეს ელენთა იყო. მოგვიანებით გამოძიებამ დაადგინა, რომ საქმე სერიოზულ პროფესიულ შეცდომას ეხებოდა.
44 წლის თომას შაკნოვსკის მეორე ხარისხის უნებლიე მკვლელობის ბრალდება წაუყენეს. პაციენტი 70 წლის უილიამ ბრაიანი გახლდათ, რომელიც მირამარ ბიჩში მდებარე საავადმყოფოში მარცხენა მუცლის ტკივილით მივიდა.
„ჩვენი ვალდებულებაა, მივყვეთ ფაქტებს იქამდე, სადამდეც ისინი მიგვიყვანს, შიშისა და მიკერძოების გარეშე.ნაფიცმა მსაჯულებმა უკვე მიიღეს გადაწყვეტილება, და ჩვენი პასუხისმგებლობაა უზრუნველვყოთ, რომ ბრალდებები სამართლებრივი პროცესის შესაბამისად განხორციელდეს. ჩვენი ფიქრები კვლავ მსხვერპლის ოჯახთანაა და მათ აუტანელ დანაკარგთან. ჩვენ ვალდებულნი ვართ, ეს საქმე ბოლომდე მივიყვანოთ იმ პროფესიონალიზმითა და პატიოსნებით, რასაც ჩვენი საზოგადოება ელოდება,“ — განაცხადა შერიფმა მაიკლ ადკინსონმა.
დისკრედიტებული ექიმი, რომელსაც ფატალური შეცდომის შემდეგ სამედიცინო ლიცენზია ჩამოერთვა, სავარაუდოდ ზეწოლას ახდენდა ბრაიანზე, რომ ოპერაცია გაეკეთებინა.
ბრაიანი, რომელიც ფლორიდის პანჰენდლში მეუღლესთან ერთად იმყოფებოდა, დამატებითი კვლევებისთვის ჰოსპიტალში მოათავსეს მას შემდეგ, რაც ექიმებმა ელენთის ანომალია ივარაუდეს. თუმცა თავდაპირველად ქირურგიული ჩარევისგან თავი შეიკავა და სახლში, ალაბამაში დაბრუნება სურდა.
მიუხედავად ამისა, შაკნოვსკი პაციენტს არწმუნებდა, რომ ელენთა უნდა ამოეღო. საბოლოოდ ბრაიანი დათანხმდა ამ პროცედურას.
ოპერაციის დროს ექიმმა, სავარაუდოდ, ლაპაროსკოპიული მეთოდი ღია ოპერაციით შეცვალა, რაც მან მუცლისა და მსხვილი ნაწლავის ცუდი ხილვადობით ახსნა. შემდეგ მან ღვიძლის გარშემო არსებული სისხლძარღვები გაჭრა და დაამაგრა, რამაც ძლიერი სისხლდენა გამოიწვია და პაციენტს გული გაუჩერდა.
სანამ პერსონალი პაციენტის გადარჩენას ცდილობდა, შაკნოვსკი განაგრძობდა მუცლის ღრუს გაკვეთას და დახმარება არ უთხოვია, მაშინაც კი, როცა დაახლოებით 2 კილოგრამი ღვიძლი ამოიღო.
ოპერაციის ოთახში მყოფმა ერთ-ერთმა მოწმემ განაცხადა: „პერსონალმა მაგიდაზე ნათლად ამოიცნო ღვიძლი დაინახა და შოკში ჩავარდა, ერთ-ერთ თანამშრომელს პირდაპირ გულისრევა დაეწყო. ექიმმა შაკნოვსკიმ უთხრა, რომ ეს ელენთა იყო.“
ბრაიანის გარდაცვალება პერსონალმა დაადასტურა, ხოლო ექიმი ამტკიცებდა, რომ იგი ელენთის არტერიის ანევრიზმის გამო გარდაიცვალა.
გავრცელებული ინფორმაციით, შაკნოვსკიმ პერსონალს სთხოვა, ამოღებული ღვიძლი „ელენთად“ მოენიშნათ და პათოლოგიაში გაეგზავნათ.
„ოპერაციაში მონაწილე პერსონალს ეგონა, რომ ექიმი ცდილობდა დაერწმუნებინა ისინი ამ ვერსიაში, მიუხედავად იმისა, რომ მათ სრულიად სხვა რამ ნახეს,“ — ნათქვამია დოკუმენტში.
ოჯახის ადვოკატის თქმით, მოგვიანებით ბრაიანის სიკვდილი მკვლელობად შეფასდა, რადგან „სპლენექტომიის დროს ღვიძლი იყო ამოღებული“.
შაკნოვსკი ორშაბათ დილით დააკავეს და უოლტონის ოლქის ციხეში გადაიყვანეს, სადაც ის სასამართლოს პირველ სხდომას ელოდება.
