"პირველად რომ ამოვედი ვახოს მშობლების გასაცნობად, ძალიან ვნერვიულობდი... დედამთილს სახელით ვერ ვეძახი... ჩემი მამამთილი ჩემი საუკეთესო მეგობარია..." - გვანცა დარასელიას სტუმრობა დედამთილ-მამამთილთან - მშობლები
"პირველად რომ ამოვედი ვახოს მშობლების გასაცნობად, ძალიან ვნერვიულობდი... დედამთილს სახელით ვერ ვეძახი... ჩემი მამამთილი ჩემი საუკეთესო მეგობარია..." - გვანცა დარასელიას სტუმრობა დედამთილ-მამამთილთან
ტელეწამყვანი გვანცა დარასელია თავის პოდკასტში ამჯერად მეუღლის მშობლებთან სოფელში სტუმრობის ამბებს ყვება. სააღდგომოდ გვანცა და მისი მეუღლე ვახო მჭედლიძე ლაგოდეხს ესტუმრნენ.
"როცა მთელი ოჯახი სამზარეულოში იკრიბება, შედეგი ყოველთვის სახალისო და გემრიელი გამოდის! ლაგოდეხში სტუმრობისას დედამთილისგან მწნილის რეცეპტი გავიგეთ, ბიცოლასთან ერთად ცომი მოვზილეთ, მამამთილის ხელმძღვანელობით კი ფურნეს პასკები გამოვაცხეთ. ნახეთ, როგორ გავატარეთ ეს დაუვიწყარი დღე და რა ისტორიებს ინახავს გვანცას მეუღლის ოჯახი!" - წერია პოდკასტის აღწერაში.
გვანცამ თავისი დედამთილ-მამამთილი გააცნო გამომწერებს, რომლებთანაც შესანიშნავი ურთიერთობა აქვს.
- კარგად მახსოვს, სახლში რომ ამომიყვანა ვახომ თქვენთან და რომ უნდა გამეცნო ვახოს მშობლები... ძაან ვნერვიულობდი, რა თქმა უნდა. მაია ტრიალებდა. მე ჩემი მეგობრები მახლდნენ და ძაან გემრიელი სუფრა გაგვიშალა...
ვერ ვეძახი სახელით... სულ მეუბნება, რომ დამიძახე სახელით, მაია, ვერ მივეჩვიე რატომღაც.დედას რომ ეძახიან, ეგეც არ მომწონს. ბავშვებიდან გამომდინარე, "ბებო", "ბაბუ", ასე ვეძახი... ვერ მივეჩვიე, რომ დავუძახო სახელით. უკვე რამდენი წელი გავიდა - მე-16 წელი გახდება...
ჩემი მამამთილი სოსო მჭედლიძე ჩემი საუკეთესო მეგობარია. ეს არის კაცი, რომელიც იძინებს და იღვიძებს ნერვიულობაში, სულ არის დარდში, რომ ყველას ყურადღება მიაქციოს, აბა, ერთ შვილს, აბა მეორეს, შვილიშვილებს, ის წაიყვანოს, ეს წამოიყვანოს.
