"როგორ შეიძლებოდა, ფარულად არ გყვარებოდა... სოსოს ღიად უყვარდა..." - ზაზა კოლელიშვილი ლიკა ქავჟარაძეზე, ცნობილ როლებზე, დიდ ოჯახზე - მშობლები
"როგორ შეიძლებოდა, ლიკა ფარულად არ გყვარებოდა... სოსოს ღიად უყვარდა..." - ზაზა კოლელიშვილი ლიკა ქავჟარაძეზე, ცნობილ როლებზე, დიდ ოჯახზე
ცნობილი მსახიობი, რეჟისორი და 5 შვილის მამა, 69 წლის ზაზა კოლელიშვილი ნოე სულაბერიძის გადაცემას სტუმრობდა. ისაუბრა განვლილ წლებზე, პროფესიის არჩევაზე, ცნობილ როლებზე, ოჯახზე. გთავაზობთ რამდენიმე ამონარიდს:
პროფესიის არჩევა
- არ მიფიქრია იმაზე, უნდა ამერჩია თუ არა სხვა პროფესია. ერთადერთი ვნანობ, რომ მხატვრობა დავივიწყე, რომელიც ჩემი თანამდევი იყო მთელი ჩემი ცხოვრება და ახლაც სიბერეში რაღაცებს კიდევ ვხატავ... მაგრამ მსახიობობა ბავშვობიდან მქონდა გულში ჩადებული და ოჯახშიც სულ ამას ვხედავდი, პაპაჩემი, ბიძაჩემი - გია მატარაძე, მეშვიდე თაობა მსახიობების, მე მერვე ვარ, ანუ დედის მხრიდან საგვარეულოში გადადიოდა...
მეუღლე
...ნათიას მე დავარქვი ჩემი შეცდომების გასწორება. ანუ მე რაღაცა შეცდომას დავუშვებდი და ნათია ყველანაირად ცდილობდა, რომ ჩემთვის შეემსუბუქებინა... საოცარი რამე ხდებოდა... ეს ინტერვიუც არ შედგებოდა, ბევრი ფილმიც არ იქნებოდა, მე ისე ვიყავი სამგლე გოჭივით ატეხილი... ეს მოახერხა უდიდესი სიყვარულით და უდიდესი მოთმინებით.
...ხუთი შვილი მყავს. პირველი ქორწინებიდან მყავს ერთი გოგო...ყველანი ერთად არიან ჩვენები და ძალიან გვიყვარან. შვილები, შვილიშვილები, ძალიან დიდი სიმდიდრეა.
მსახიობი არც ერთი არ არის. იმედია, შვილიშვილი გახდება რომელიმე. ორ შვილიშვილზე ვეჭვობ...
...ლიბერალი მამა ვარ. რაც ჩემს შვილს უნდა, ის მინდა მეც...
ლიკა ფარულად უყვარდაო...
- როგორ შეიძლებოდა, ფარულად არ გყვარებოდა... სოსოს ღიად უყვარდა. ერთი წელი სოსოს უკან იჯდა ცხენის ზურგზე... გვიყვარდა, იცოდა, ხვდებოდა ალბათ... ბავშვი იყო თან მაშინ, და თან ვიცოდით, რომ შეყვარებული ჰყავდა. ჩვენც ბიჭები ვიყავით და სუბორდინაციას, პატივისცემას ვიცავდით...
