დაისვენებენ თუ არა სკოლები 6 მაისს, გიორგობას - დეტალები - მშობლები

6 მაისს მართლმადიდებლური ეკლესია გიორგობას აღნიშნავს. მიუხედავად იმისა, რომ საქართველოში დადგენილი უქმე დღეების ჩამონათვალში 6 მაისი არ არის განსაზღვრული, მშობლებს ყოველწლიურად მაინც უჩნდებათ შეკითხვა, დაისვენებენ თუ არა აღნიშნულ დღეს სკოლები.

ინფორმაცია კიდევ ერთხელ განათლების, მეცნიერებისა და ახალგაზრდობის სამინისტროში დავაზუსტეთ, სადაც აღნიშნეს, რომ 6 მაისს სკოლები არ ისვენებენ და სასწავლო პროცესიც ჩვეულ რეჟიმში წარიმართება.

აღსანიშნავია, რომ გიორგობა წელიწადში ორჯერ აღინიშნება: 6 მაისს – წმინდანის აღსრულების დღეს, 23 ნოემბერს კი მისი წამების დღეს. 23 ნოემბერი საქართველოში ოფიციალურად უქმე დღეა.

2025-2026 სასწავლო წლის დასრულებამდე კი შემდეგი უქმე დღეებია:

• 9 მაისი - ფაშიზმზე გამარჯვების დღე
• 12 მაისი - ანდრია პირველწოდებულის ხსენების დღე, ყოვლადწმინდა ღვთისმშობლისადმი საქართველოს წილხვდომილობის დღე.
• 17 მაისი - ოჯახის სიწმინდის დღე
• 26 მაისი - საქართველოს დამოუკიდებლობის დღე

როდის დაასრულებენ სწავლას აბიტურიენტები და პირველკლასელები, რამდენი დასვენების დღე დარჩა და როდიდან იწყება სკოლებში არდადეგები - თარიღები