"ჩემი ალისა 6 წლის გახდა" - როგორ მიულოცა მიხეილ სააკაშვილმა შვილს დაბადების დღე (ვიდეო) - მშობლები
"ჩემი ალისა 6 წლის გახდა" - როგორ მიულოცა მიხეილ სააკაშვილმა შვილს დაბადების დღე (ვიდეო)
ელის მარია სააკაშვილი, რომელსაც მოფერებით ალისკასაც ეძახიან, 6 წლის გახდა. მამამისმა - ყოფილმა პრეზიდენტმა მიხეილ სააკაშვილმა, რომელიც ამჟამად სასჯელს იხდის, მოახერხა დისტანციურად სიურპრიზის გაკეთება და ალისას საოცნებო საჩუქარი - ლეკვი გაუგზავნა. ალისას ვიდეოც მანვე გამოაქვეყნა სოციალურ ქსელში.
ალისა წელს სკოლაში შედის და ემზადება ამ მნიშვნელოვანი მოვლენისთვის. დედის - მომღერალ სოფო ნიჟარაძის თქმით, ენებისკენ აქვს მამასავით მიდრეკილება, კარგად საუბრობს ინგლისურად, იცის წერა-კითხვა, დედის ნიჭიც გამოყვა და მასთან ერთადაც მღერის ხოლმე.
- ვცდილობ, რაც შეიძლება მეტი დრო გავატარო ბავშვთან. ვფიქრობ, არც მკაცრი ვარ, არც ზედმეტად რბილი. ჩვეულებრივი დედა ვარ, უბრალოდ უფრო დიდ დროს ვატარებ მასთან, იმიტომ, რომ ეს არის ახლა მთავარი პრიორიტეტი ჩემს ცხოვრებაში... დედაჩემი და გიულიც ძალიან ჩართულები არიან ბავშვის აღზრდაში. ძალიან კარგი ბებიები ჰყავს ალისას, - ამბობს სოფო,- ალისა დედასთან და მამასთან ერთად ცხოვრებაზე ხშირად საუბრობს... სულ მეკითხება - როდის მოვა მიშა... არ მაქვს კონკრეტული პასუხი და ითხოვს კონკრეტიკას... რაღაცებზე მიწევს უარის თქმა იმის გამო, რომ ეს რაღაც მიშას არ შეეხოს და ბავშვიც დავიცვა...
მე ბედნიერი ვარ, რომ მყავს ალისა. მიუხედავად ბევრი სირთულისა, რაც გარშემო დღესაც მაქვს. მთავარი ბედნიერება მყავს და ეს იმ ყველაფრის, გავლილი ცხოვრების და ტკივილების დამსახურებაა, ამიტომ არაფერს არ შევცვლიდი...
