კადრები ეკა მამალაძის რძლის გრანდიოზული დაბადების დღიდან, რომელსაც დიდი გამოხმაურება მოჰყვა - თბილისური ბომონდის თავყრილობა ფუფა გოგლიძის დღეობაზე (ფოტო+ვიდეო) - მშობლები
კადრები ეკა მამალაძის რძლის გრანდიოზული დაბადების დღიდან, რომელსაც დიდი გამოხმაურება მოჰყვა - თბილისური ბომონდის თავყრილობა ფუფა გოგლიძის დღეობაზე (ფოტო+ვიდეო)
გუშინ ცნობილ ბიზნესვუმენს, ასევე ცნობილი ოჯახის წევრს - ეკა მამალაძის რძალ ფუფა (თეა) გოგლიძეს დაბადების დღე ჰქონდა. წვეულება კახეთში მდებარე შატოში მოაწყო, ღია ცის ქვეშ. ვენახებსა და აუზს შორის გაშლილ სუფრას უამრავი ცნობილი სახე ესწრებოდა - ოჯახის წევრები, ნათესავები და მეგობრები. სოციალურ ქსელში უკვე შერაცხეს ეს წვეულება თბილისური ბომონდის დიდ თავყრილობად. საღამოს მუსიკალურად დათო გომართელი აფორმებდა. იყო ბევრი ყვავილი, ბევრი შამპანური - ურიკებით, და ცეკვა-სიმღერა. იუბილარმა ორიგინალურ ტორტზე სანთლებიც ოვაციების თანხლებით ჩააქრო.
ცნობილი ოჯახის რძალი
- ბავშვობაში იურისტობა მინდოდა, ჩავაბარე კიდეც ვენის უნივერსიტეტში იურიდიულ ფაკულტეტზე. შემდეგ გავთხოვდი და საცხოვრებლად თბილისში გადმოვედი, ერთხანს მოსკოვშიც ვცხოვრობდი. ხშირად ვსტუმრობდი რესტორნებს, პრეტენზიული კლიენტი ვიყავი და სწორედ მაშინ დავინტერესდი სარესტორნო ბიზნესით. მანამდე არასდროს მიფიქრია, საკუთარი თავი ამ სფეროში გამომეცადა, ასე ნელ-ნელა შემოვიდა ჩემს ცხოვრებაში ბიზნესი. თავდაპირველად საბორტო კვების ბიზნესში ვიყავი, ჩემმა ახლობლებმა ავიაკომპანიის გახსნა გადაწყვიტეს, კეტერინგში (ბორტის მომსახურება) დავიწყე მუშაობა. ეს ძალიან სპეციფიკური სფეროა, მოსკოვში გავიარე მასტერკლასი. თვითმფრინავში საკვები სპეციალურად დახუფული უნდა შევიდეს, დანა ბლაგვი უნდა იყოს და ა.შ. სამწუხაროდ, ის ავიაკომპანია აღარ გაიხსნა და სხვაგან დავიწყე მუშაობა. ეს მოხდა რვა წლის წინ. შემდეგ კაზინოს სფეროში გადავინაცვლე, მას თავისებური მართვა სჭირდება. მერე მოხდა ისე, რომ ბათუმში წავედი, სადაც "რედისონის" შენობაში არსებული კაზინო, ბარი და კლუბი ჩამაბარეს. 6 თვე ვიყავი იმ ბიზნესში, შემდეგ კი "მსლაბში" მომიწვიეს. თავიდან პრომოუტერი ვიყავი, მერე მმართველი - მენეჯერი.
